டிரைவர் இல்லாமல் ஓடிய ரயிலால் பரபரப்பு

ஸ்ரீநகர் : காஷ்மீரில், டிரைவர் இல்லாமல் ரயில் ஓடியதால், பரபரப்பு
ஏற்பட்டது.காஷ்மீர் பள்ளத்தாக்கில் உள்ளது காஜிகுண்ட் ரயில் நிலையம்.
சம்பவத்தன்று, ரயில் இன்ஜின் டிரைவர் உட்பட, நிலைய அதிகாரிகள் அனைவரும்
உறங்கச் சென்றனர். அப்போது, அங்கு நிறுத்தப்பட்டிருந்த ரயில் ஒன்று,
திடீரென ஓடத் துவங்கியது. அங்கிருந்து, 20 கி.மீ., ஓடிய ரயில், இடையில்
அனந்த்நாக் அருகே ரயில்பாதையில், சிறிய தடை ஏற்படவே, நின்றுவிட்டது. இது
தொடர்பாக, சம்பந்தப்பட்ட அதிகாரிகளிடம் விசாரணை நடக்கிறது.கடந்த 2008ல்,
பிரதமர் மன்மோகன் சிங், காஷ்மீர் பள்ளத்தாக்கில் ரயில் சேவையை துவக்கி
வைத்தார். அதுமுதல், பயங்கரவாதிகள் மற்றும் போராட்டக்காரர்கள் அனைவரும்
ரயில் சேவையை குறிவைத்து, தாக்குதல் நடத்தி வருகின்றனர்.கடந்த மாதம், ரயில்
பாதையின் ஒரு பகுதி, பயங்கரவாதிகளால் குண்டு வைத்து தகர்க்கப்பட்டது.
கடந்த ஆண்டு நடத்தப்பட்ட பல்வேறு தாக்குதல்களில், ரயில்வே நிர்வாகத்திற்கு
கோடிக் கணக்கான ரூபாய் நஷ்டம் ஏற்பட்டது குறிப்பிடத்தக்கது.