கடற்கொள்ளையர் தொந்தரவு:துபாயில் 50 நாடுகள் ஆலோசனை

துபாய்:உலகில் பெருகி வரும் கடற்கொள்ளையைத் தடுப்பது மற்றும் அதனால்
ஏற்படும் பொருளாதார பாதிப்பு குறித்து விரிவாக விவாதிக்க, 50 நாடுகள்
பங்கேற்கும் மாநாடு, முதன் முறையாக, துபாயில் நடக்க இருக்கிறது.சர்வதேச
கடல்சார் குழுவின் 2011, ஏப்ரல் 14ம் தேதியிட்ட அறிக்கைப்படி, ஏடன்
வளைகுடாவில் மட்டும் வர்த்தகக் கப்பல்கள் மீதான தாக்குதல் அல்லது தாக்குதல்
முயற்சி, மொத்தம், 107 முறை நடந்துள்ளது.அரபிக் கடல் மற்றும் கிழக்கு
ஆப்ரிக்கக் கடற்கரையோரப் பகுதியில், 17 கப்பல்கள் கடத்தப்பட்டுள்ளன.
தற்போது, 26 கப்பல்கள், கடற்கொள்ளையர் வசம் உள்ளன. 521 பேர், அவர்கள்
பிடியில் சிக்கியுள்ளனர்.
இந்நிலையில், உலகில் முதன்முறையாக கடற்கொள்ளை
மற்றும் அதனால் ஏற்படும் பொருளாதார பிரச்னை குறித்த மாநாடு ஒன்று, துபாயில்
இன்றும் நாளையும் என இருநாட்கள் நடக்க உள்ளது.இம்மாநாட்டை, ஐக்கிய அரபு
நாடுகள் அரசு ஏற்பாடு செய்துள்ளது. இதில், 50 நாடுகளின் அதிகாரிகள் மற்றும்
தொழிலதிபர்கள், 30 நாடுகளின் வெளியுறவு அமைச்சர்கள், 25 நாடுகளின் மூத்த
பிரதிநிதிகள், ஐ.நா., மற்றும் சர்வதேச கடல்சார் கூட்டமைப்பின் அதிகாரிகள்,
கடல்சார் பாதுகாப்பு நிபுணர்கள் என, பலர் கலந்து கொள்கின்றனர்.
இம்மாநாட்டில்,
கடற்கொள்ளையைத் தடுக்கவும், அவர்கள் வசம் உள்ளவர்கள் மற்றும் அவர்களது
குடும்பத்தாரின் நிலவரம் குறித்தும் சர்வதேச நாடுகளின் அரசுகள் மற்றும்
தொழிலதிபர்கள் இணைந்து நடவடிக்கைகள் எடுப்பது குறித்து விவாதிக்கப்பட
உள்ளது.

by **கவிக்காதலன்** Wed Apr 20, 2011 11:06 pm

தகவலுக்கு நன்றி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கடற்கொள்ளையர் தொந்தரவு:துபாயில் 50 நாடுகள் ஆலோசனை

கடற்கொள்ளையர் தொந்தரவு:துபாயில் 50 நாடுகள் ஆலோசனை

Re: கடற்கொள்ளையர் தொந்தரவு:துபாயில் 50 நாடுகள் ஆலோசனை