30 வகை கூட்டு! – வசந்தா விஜயராகவன்

[You must be registered and logged in to see this image.]
ம்...
காய்கறிகளின் விளைச்சல் அதிகமாகிவிட்டதால், விலையும் மெள்ள குறைய
ஆரம்பித்துவிட்டது. இனி, காய்கறிகளுடன் தைரியமாகக் கூட்டணி போடலாம் என்கிற
சூழலில்... இங்கே 30 வகை கூட்டுகளை மணக்க மணக்கப் பரிமாறுகிறார் சமையல் கலை
நிபுணர் வசந்தா விஜயராகவன் ''காய்கறி, பருப்பு, பயறு, கிழங்குனு
எல்லாத்தையும் கலந்து கட்டி அசத்தலாம்கிறதுதான் கூட்டுகளோட ஸ்பெஷாலிட்டியே!
காய்கறிகளோட விலை, கண்காணாத உசரத்துக்கு எகிறினாலும் கவலைப்படத்
தேவையில்ல. காய்கறிகளைக் குறைச்சலாவும், பருப்பு மற்றும் பயறு வகைகளைக்
கூடுதலாவும் சேர்த்தா... அமர்க்களமான கூட்டு ரெடி. சப்புக் கொட்டிக்கிட்டே
சாப்பிடலாமே!'' என்று சர்டிஃபிகேட் கொடுக்கிறார் வசந்தா விஜயராகவன். பிறகென்ன... காய்கறிகளோடு கூட்டணி போட்டு ஜமாயுங்க!

சௌசௌ மலபார் கூட்டு
[You must be registered and logged in to see this image.]
தேவையானவை:
சௌசௌ துண்டுகள் - 150 கிராம், கடுகு, சீரகம் - தலா அரை டீஸ்பூன், தேங்காய்
துருவல் - 2 டேபிள்ஸ்பூன், பச்சை மிளகாய் - 3, மஞ்சள்தூள் - கால்
டீஸ்பூன், தேங்காய் எண்ணெய் - ஒரு டேபிள்ஸ்பூன், கறிவேப்பிலை, உப்பு -
தேவையான அளவு. செய்முறை: தேங்காய் துருவல், பச்சை மிளகாய், சீரகம்
மூன்றையும் விழுதாக அரைக்கவும். சௌசௌவில் மஞ்சள்தூள் சேர்த்து வேக
வைக்கவும். வெந்ததும் அரைத்த விழுது, உப்பு சேர்த்து, ஒரு கொதி வந்ததும்
இறக்கவும். கடாயில் தேங்காய் எண்ணெய் விட்டு, காய்ந்ததும் கடுகு,
கறிவேப்பிலை தாளித்துக் கொட்டவும்.

by **RAJABTHEEN** Wed Apr 20, 2011 3:42 pm

பகிர்வுக்கு நன்றி

கத்திரிக்காய்-போண்டா புளிக் கூட்டுதேவையானவை:
கத்திரிக்காய் - 4, கடலைப்பருப்பு, துவரம்பருப்பு - தலா 2 டேபிள்ஸ்பூன்,
மஞ்சள்தூள் - கால் டீஸ்பூன், புளி - எலுமிச்சை அளவு, எண்ணெய், உப்பு -
தேவையான அளவு.
[You must be registered and logged in to see this image.] தாளிக்க: கடுகு, உளுத்தம்பருப்பு, கடலைப்பருப்பு, வேர்க்கடலை - தலா ஒரு டீஸ்பூன், கறிவேப்பிலை - சிறிதளவு.வறுத்து அரைக்க: தனியா - ஒரு டீஸ்பூன், காய்ந்த மிளகாய் - 3, பெருங்காயம் - சிறிதளவு, தேங்காய் துருவல் - ஒரு டேபிள்ஸ்பூன். போண்டா செய்ய: உளுத்தம்பருப்பு - 100 கிராம் (ஊற வைக்கவும்).செய்முறை:
கத்திரிக்காயை நறுக்கி, மஞ்சள்தூள் சேர்த்து வேக வைக்கவும்.
துவரம்பருப்பு, கடலைப்பருப்பு இரண்டையும் குக்கரில் வேக வைக்கவும். வறுத்து
அரைக்க கொடுத்துள்ளவற்றை சிறிது எண்ணெயில் வறுத்து அரைக்கவும். ஊறிய
உளுத்தம்பருப்புடன் சிறிது உப்பு சேர்த்து அரைத்து, போண்டாவாக உருட்டி,
எண்ணெயில் பொன்னிறமாக பொரித்தெடுக்கவும். புளியைக் கரைத்து, வேக வைத்த
கத்திரிக்காயில் விட்டு, வேக வைத்த துவரம்பருப்பு, கடலைப்பருப்பை போடவும்.
அரைத்து வைத்திருக்கும் பொடியையும் போட்டு கொதிக்கவிடவும். உப்பு சேர்த்து
மேலும் சிறிது நேரம் கொதிக்கவிட்டு இறக்குவதற்கு முன்பு பொரித்த
போண்டாக்களைப் போட்டு ஒரு முறை கிளறி இறக்கவும். தாளிக்கக்
கொடுத்துள்ளவற்றை சிறிது எண்ணெயில் தாளித்துக் கொட்டவும்.

காலிஃப்ளவர் மசாலா கூட்டு

தேவையானவை: காலிஃப்ளவர் - 100 கிராம் (உப்பு கலந்த நீரில் போட்டு எடுத்தால், புழுக்கள் நீங்கிவிடும்), மஞ்சள்தூள், மிளகாய்த்தூள், கரம் மசாலாத்தூள் - தலா கால் டீஸ்பூன், நறுக்கிய தக்காளி, வெங்காயம் - சிறிதளவு, எண்ணெய், உப்பு - தேவையான அளவு.
[You must be registered and logged in to see this image.]

செய்முறை: காலிஃப்ளவரில் மஞ்சள்தூள் சேர்த்து தண்ணீர் விட்டு வேக வைக்கவும். பிறகு, தண்ணீரை வடித்து தனியாக வைக்கவும். வேக வைத்த காலிஃப்ளவரை சிறிது எண்ணெயில் போட்டு பொரித்து தனியாக எடுத்து வைக்கவும். பொரித்து மீதமுள்ள எண்ணெயில் தக்காளி, வெங்காயத்தைப் போட்டு வதக்கி... கரம் மசாலாத்தூள், மிளகாய்த்தூள், உப்பு, காலிஃப்ளவர் வேக வைத்த தண்ணீரைச் சேர்த்து கொதிக்க விடவும். கெட்டியாக வரும்போது பொரித்து வைத்துள்ள காலிஃப்ளவர் துண்டுகளை அதில் போட்டு ஐந்து நிமிடம் கொதிக்க வைத்து இறக்கவும்.

மிக்ஸ்டு வெஜிடபிள் கூட்டு தேவையானவை:
நறுக்கிய கேரட், பீன்ஸ், அவரைக்காய், புடலங்காய் சேர்ந்த கலவை - கால்
கிலோ, கடுகு, சீரகம், தனியா - தலா கால் டீஸ்பூன், பொடியாக நறுக்கிய இஞ்சி -
ஒரு டீஸ்பூன், காய்ந்த மிளகாய், பச்சை மிளகாய் - தலா 3, தேங்காய் துருவல் -
ஒரு டேபிள்ஸ்பூன், எண்ணெய், உப்பு - தேவையான அளவு.
[You must be registered and logged in to see this image.] செய்முறை:
காய்கறிகளை உப்பு போட்டு வேக வைக்கவும். தனியா, காய்ந்த மிளகாய், பச்சை
மிளகாய், தேங்காய் துருவல் ஆகியவற்றை விழுதாக அரைத்துக் கொள்ளவும். வெந்த
காய்கறிகளில் அரைத்த விழுதைக் கொட்டி, நன்றாகக் கொதித்ததும் சிறிது
எண்ணெயில் கடுகு, சீரகம், இஞ்சி தாளித்துக் கொட்டி இறக்கவும்.