நீங்கள்
சிறப்பாகப் படிக்க வேண்டுமானால் கடுமையாக உழைத்தால் மட்டும் போதாது.
அறிவுக்கூர்மையுடனும், சுறுசுறுப்பாகவும் இருக்க வேண்டும். பாடங்களை
உங்களால் வேகமாக படிக்க முடிந்தால், நேரத்தையும், ஆற்றலையும் அதிக அளவில்
சேமிக்க முடியும்.

உங்களுடைய தற்போதைய படிக்கும் வேகத்தை முதலில் அறிந்துக் கொண்டபின்தான்
அதை அதிகப்படுத்துவதற்கான முயற்சியில் இறங்க வேண்டும். நீங்கள் படிக்கும்
வேகத்தை அறிவது எப்படி?

நிமிடத்திற்கு 250 முதல் 300 வார்த்தைகளை படிக்கும் திறமை நல்ல வேகம்
எனலாம். ஆனால், அந்த வேகத்தைக் கிட்டத்தட்ட இரண்டு மடங்காக அதிகரிக்க
முடியும்.

ஒரு புத்தகத்தில் உள்ள பக்கம் ஒன்றை எடுத்து அமைதியாகவும், வேகமாக வும்
படிக்கவும். அதன் பொருளை புரிந்துகொள்ள அக்கறை காட்ட வேண்டாம். படிக்கத்
தொடங்கும் முன் நேரத்தை குறித்துக் கொள்ளவும். 5 நிமிடங்கள் கழித்து
நீங்கள் படித்திருக் கும் வார்த்தைகளை கூட்டிப் பார்க்கவும்.

அந்த எண்ணிக்கையை அய்ந்தால் வகுத்தால் ஒரு நிமிடத்திற்கு நீங்கள்
படிக்கும் வார்த்தைகளின் எண்ணிக்கை கிடைக்கும். அதுவே உங்கள் தற்போதைய
வேகம். உதாரணமாக, நீங்கள் 5 நிமிடத்தில் 1000 வார்த்தைகள்
படித்தீர்களானால் உங்களுடைய படிக்கும் வேகம் நிமிடத்திற்கு 200
வார்த்தைகள் ஆகும்.

கீழேகொடுக்கப்பட்டிருக்கும் முறைகளின் மூலம் இந்த படிக்கும் வேகத்தை இரண்டு மடங்காக அதிகரிக்கலாம். இவை நல்ல பலன்களைத் தரும்.

1. கண்ணாடி முறை
2. தலைகீழாகப் படிக்கும் முறை

1. கண்ணாடி முறை

ஏதேனும் ஒரு பக்கத்தை எடுத்து வேகமாகப் படிக்கவும். அதை புரிந்துகொள்ள
வேண்டிய அவசியமில்லை. இப்போது அந்தப் பக்கத்தை கண்ணாடியில் காண்பிக்கவும்.
கண்ணாடியில் பிரதிபலிப்பதை படிக்கவும்.

அந்த பிரதிபலிக்கும் பக்கத்தை படிப்பதற்கு கடினமாக இருந்தாலும் உங்களால்
அதை படிக்க முடியும். இந்த பயிற்சியை தினமும் காலையில் 10 நிமிடமும்,
மாலையில் 10 நிமிடமும் செய்யவும். அய்ந்து முதல் ஆறே வாரங்களில்
(கிட்டத்தட்ட 40 நாள்களில்) உங்கள் வேகம் நம்பமுடியாத அளவிற்கு
அதிகரிக்கும்.

2. தலைகீழாகப் படிக்கும் முறை

வேகமாக ஒரு பக்கத்தைப் படிக்கவும். அதை புரிந்துகொள்ள வேண்டிய
அவசியமில்லை. பின் அந்த பக்கத்தைத் தலைகீழாக மாற்றி மீண்டும் அந்த
வரிகளின் மேல் ஆள்காட்டி விரலை வைத்துப் படிக்கவும். இந்த முறையில்
படிக்கும்போது காலையில் 10 நிமிடமும், மாலையில் 10 நிமிடமும் குறைந்தது 40
நாள்கள் படிக்கவும்.

இந்த இரண்டு முறைகளால் நீங்கள் படிக்கும் வேகம் ஒரு மாதத்திற்குள் இரண்டு மடங்காக அதிகரிக்கும்.

நன்றி... முயற்சி செய்கிறேன்.