காதல் கவிதைகள் 2

by **eraeravi** Wed Apr 20, 2011 11:17 pm

ஏன்? என்று தெரியவில்லை. கவிஞர் இரா .இரவி

உனக்கு பிடிக்கின்றது
என்பதற்காகவே
கவிதை எழுதினேன்
எல்லோருக்கும் என்
கவிதைகள் பிடிக்கின்றது .
கவிதைகள் கேட்க
நீதான் அருகில் இல்லை
பிரிந்து சென்றாய்

அன்பும் மகிழ்வும் கவிஞர் இரா .இரவி

செக்கு மாடு
சுற்றிச் சுற்றி
வருவதைப் போல
உன் நினைவுகள்
என்னைச் சுற்றிச் சுற்றி
வருகின்றன .
செக்கால் கிடைப்பது
எண்ணையும் புண்ணாக்கும்
உன் நினைவால்
கிடைப்பது அன்பும் மகிழ்வும் .

எல்லாம் உன்னால்.கவிஞர் இரா .இரவி

பொறுப்பற்றவன்
பொறுப்பனேன் உன்னால்
ஊதாரியாய் சுற்றியவன்
உருப்பட்டேன் உன்னால்
புயலாய் இருந்தவன்
தென்றலானேன் உன்னால்
காற்றாறு வெள்ளமாய்
இருந்தவன்
ஓடும் அழகிய
நதியானேன் உன்னால்
என்னை ஆற்றுப்படுத்தி
வெற்றிப் பெற்றாய்
கடைசியில் ஏன்?
கைவிட்டுப் போனாய் !

மாற்றம் ஒன்றுதான் மாறாதது. கவிஞர் இரா .இரவி

நான் அசைவம் விரும்பி !
நீ சைவம் விரும்பி!
நான் உனக்காக
சைவத்திற்கு மாறினேன் !
நீ எனக்காக
அசைவத்திற்கு மாறினாய் !
மாற்றம் ஒன்றுதான் மாறாதது

--
-- அதிசயம் ஆனால் உண்மை கவிஞர் இரா .இரவி

உன் பெயரை
எங்கு வாசித்தாலும்
உடன் வந்து போகின்றது
உன்னைப் பற்றிய
மலரும் நினைவுகள்

விதி விளையாடிவிட்டது.கவிஞர் இரா .இரவி

உனக்கு நான்
எனக்கு நீ
என்றுதான்
இருவரும்
நினைத்து இருந்தோம்
உனக்கு அவன்
எனக்கு இவள்
என்று நம் பெற்றோர்கள்
நினைத்து முடித்தனர்
விதியை நம்பாதவன்
வாழ்விலும்
விதி விளையாடிவிட்டது.
--