என்னவன் நினைவுகள்

by **sivarathy** Thu Apr 21, 2011 4:11 am

மறக்க முயற்சித்து
தோற்றுப்போகிறேன்
அவனுடன் பேசிக் கழிந்த
அந்த அழகிய நிமிடங்களை!!
யாருமற்ற தனிமையின் நிழல் தேடியே
மெல்ல இளைப்பாறிக் கொள்கிறது
அவனுக்கான தேடல்கள்.!
உறங்கிப்போனதாய் காட்சி தரும்
விழிகளின் ஓரத்தில் எல்லாம்
வலிகள் சுமந்தபடி
சில கண்ணீர்த் துளிகள்!
கால ஓட்டத்தில் மறந்து போவாய்
என்று சொல்லி
பிரிந்து சென்றான்
காலப் பெருவெளியில் வெகு தூரம்
கடக்கத் தொடங்கிவிட்டது இந்த தேகம்
அவனின் நினைவுகள் சுமந்த படி..
இன்னும் நீண்டு போகட்டும்
அவன் இல்லாத இந்தத் தனிமை
நான் இறந்துபோகும் வரை!!!..