[You must be registered and logged in to see this image.]


மொகாலி:
ஐ.பி.எல்., தொடரில் இன்று மொகாலியில் நடக்கும் போட்டியில் கிங்ஸ் லெவன்
பஞ்சாப், ராஜஸ்தான் ராயல்ஸ் அணிகள் மோதுகின்றன. கடந்த இரண்டு போட்டிகளில்
ஜொலித்த பஞ்சாப் வீரர் வல்தாட்டியின் அதிரடி இன்றும் தொடருமா என்று
எதிர்பார்ப்பு ஏற்பட்டுள்ளது.
நான்காவது ஐ.பி.எல்., தொடரின் லீக்
போட்டிகள் தற்போது நடக்கிறது. இதில் இன்று நடக்கும் 23 வது போட்டியில்
கில்கிறிஸ்ட்டின் கிங்ஸ் லெவன் பஞ்சாப் அணியும், வார்ன் தலைமையிலான
ராஜஸ்தான் ராயல்ஸ் அணியும் மோதுகின்றன.
பஞ்சாப் அணி இத்தொடரில் சிறப்பான
ஆட்டத்தை வெளிப்படுத்தி வருகிறது. புனே அணிக்கு எதிரான தோல்வியுடன் தொடரை
துவக்கிய கில்கிறிஸ்டின் பஞ்சாப் அணி, அடுத்து சென்னை, டெக்கான் அணிகளை
வீழ்த்தியது. இதற்கு இளம் துவக்க வீரர் வல்தாட்டியின் அபாரமான "ஆல்
ரவுண்டர்' திறமைதான் முக்கிய காரணம். சென்னைக்கு எதிராக சதம் அடித்து
அணிக்கு வெற்றி தேடித்தந்த வல்தாட்டி, டெக்கானுக்கு எதிராக 75 ரன்கள், 4
விக்கெட்டுகள் வீழ்த்தி மிரட்டினார். இதனால் இன்றும் இவர் மீது அதிக
எதிர்பார்ப்பு ஏற்பட்டுள்ளது.
இவருடன் களமிறங்கும் கில்கிறிஸ்ட்,
மீண்டும் பார்முக்கு திரும்பியுள்ளார். தவிர, மார்ஷ், அபிஷேக், தினேஷ்
கார்த்திக்கும் பேட்டிங்கில் கைகொடுக்கலாம்.
பிரவீண் பலம்:
முதல்
இரண்டு போட்டிகளில் விக்கெட்டுகளை வீழ்த்திய பிரவீண் குமார், டெக்கானுக்கு
எதிராக ஏமாற்றினார. இன்று இவர் எழுச்சி காணத்தயாராக உள்ளார். தவிர,
மெக்லாரென், ஹாரிசும் பவுலிங்கில் அசத்த தயாராக உள்ளனர். சுழலில் பியுஸ்
சாவ்லா, வல்தாட்டியும் அணிக்கு நம்பிக்கை தருவார்கள்.
"லக்கி' ராஜஸ்தான்:
டில்லி,
டெக்கானுக்கு எதிரான முதல் இரண்டு போட்டிகளை வெற்றிகரமாக துவக்கியது
ராஜஸ்தான் ராயல்ஸ். பின் கோல்கட்டாவுக்கு எதிரான இரண்டு போட்டியிலும்
தோற்றுப்போனது. அணியின் "ரன்ரேட்டும்' மோசமானது. இந்நிலையில்
பெங்களூருவுக்கு எதிராக கிடைத்த ஒரு புள்ளி, அணிக்கு அதிக உற்சாகத்தை
தந்துள்ளது.
வாட்சன் ஏமாற்றம்:
வாட்சன்
வருகைக்குப்பின் பேட்டிங் பலம் பெரும் என்று எதிர்பார்த்த நிலையில்,
முதலுக்கே மோசமாக, பெரும் சரிவு ஏற்பட்டுள்ளது. இதனால் வாட்சன், மேனரியா,
ராஸ் டெய்லர், ரகானே உள்ளிட்டவர்கள் இன்று எழுச்சி காண வேண்டும்.
டெய்ட் சொதப்பல்:
வேகப்பந்து
வீச்சில் "டுவென்டி-20' "ஸ்பெஷலிஸ்ட்' எனப் பெயர் பெற்ற ஷான் டெய்ட்,
தொடர்ந்து ஏமாற்றுகிறார். வாட்சன், திரிவேதி இருவரும் இணைந்து விக்கெட்
வேட்டை நடத்தினால் நல்லது. சுழலில் கேப்டன் வார்ன், தொடர்ந்து அசத்துவது
அணிக்கு பெரும் பலமே.
-------
பஞ்சாப் ஆதிக்கம்
கடந்த
மூன்று தொடர்களில் பஞ்சாப், ராஜஸ்தான் அணிகள் 6 முறை சந்தித்துள்ளன. இதில்
4ல் பஞ்சாப் அணியும், 2ல் ராஜஸ்தான் அணியும் வெற்றி பெற்றுள்ளன.

நன்றி தினமலர்

யார்ரா இந்த வல்தாட்டி??? நல்லா ஆடுறான்... அப்பிடின்னு எல்லாரையும் திரும்பிப் பார்க்க வைத்திருக்கும் ஒரு திறமைசாலி...

ம்ம்... இந்திய அணியின் மேற்கிந்தியத் தீவுகள் சுற்றுப்பயணத்தில் இவர் இருப்பார் என நம்பலாம்...

ஆமா நானும் சொல்லுறேன் கூட்டி கொண்டு போக