நெல்லை டவுனில் உள்ள பழமைவாய்ந்த "இருட்டுக்கடை அல்வா' என்ற பெயருக்கு முன்னும், பின்னும் எவ்வித வார்த்தைகளையும் பயன்படுத்தக்கூடாது என நெல்லை முதலாவது விரைவு கோர்ட் தீர்ப்பு அளித்துள்ளது.நெல்லை டவுன் நெல்லையப்பர் கோயில் எதிரே 1900ம் ஆண்டு கிருஷ்ணசிங் என்பவர் லாலாகடை துவங்கினார். தினமும் மாலை 5 மணி முதல் இரவு 11 மணிவரை "40 வாட்ஸ்' பல்பு மட்டும் எரிந்துகொண்டிருக்கும். இதனால் அக்கடைக்கு "இருட்டுக்கடை'அல்வா என பெயர் வந்தது. இந்த கடையில் இருந்து தயாரிக்கப்படும் "அல்வா' திருநெல்வேலிக்கு பெயர் பெற்றுத்தந்தது. மேலும் இந்தியா மற்றும் உலகம் முழுவதும் இக்கடையில் தயார் செய்யப்படும் அல்வா கொண்டு செல்லப்படும் அளவிற்கு சிறப்பு பெற்றது.இந்நிலையில் கடந்த 2007ம் ஆண்டு நெல்லை ஜங்ஷனில் "திருநெல்வேலி இருட்டுக்கடை அல்வா' என்ற பெயரில் புதிய கடை திறக்கப்பட்டது.இக்கடையின் பெயர் தங்களது "இருட்டுக்கடை அல்வா' என்ற பெயரை போலவே இருப்பதால் தங்களது வியாபாரம் பாதிக்கப்படுவதாகவும், அதனால் அக்கடையின் பெயருக்கு தடை விதிக்க வேண்டும் எனவும், 2007ம் ஆண்டு ஜூன் மாதம் முதல் துவங்கப்பட்ட கடையின் விற்பனை கணக்கு, லாபத்தொகையை தன்னிடம் ஒப்படைக்க வேண்டும்.

மேலும் கடையின் பெயர் அடங்கிய பை,கேரி பேக்குகளையும் ஒப்படைக்க வேண்டும் என நெல்லை டவுன் இருட்டுக்கடையின் உரிமையாளர் சுலோச்சனா பாய் நெல்லை முதலாவது விரைவு கோர்ட்டில் வழக்கு கடந்த 2008ம் ஆண்டு வழக்கு தொடர்ந்தார். அதற்கு "கடந்த 2007ம் ஆண்டு ஜூன் மாதம் 22ம் தேதி வணிகவரித்துறை அலுவலகத்தில் "திருநெல்வேலி இருட்டுக்கடை அல்வா'என பதிவு செய்யப்பட்டதாக' அக்கடையின் உரிமையாளர் செய்யது முகைதீன் பதில் மனு தாக்கல் செய்தார்.இரு தரப்பினரும் தங்களுக்கு சாதகமான ஆவணங்களை கோர்ட்டில் தாக்கல் செய்தனர். நெல்லை டவுன் இருட்டுக்கடை அல்வா கடை உரிமையாளர் சுலோச்சனா பாய் தரப்பில் 27 ஆவணங்களை கோர்ட்டில் தாக்கல் செய்யப்பட்டது.இந்த வழக்கு நேற்று விசாரணைக்கு வந்தது. வழக்கை நீதிபதி பொன்.பிரகாஷ் விசாரித்தார். பின்னர் நெல்லை டவுனில் உள்ள "இருட்டுக்கடை அல்வா' என்ற பெயருக்கு முன்னும், பின்னும் எவ்வித வார்த்தைகளையும் பயன்படுத்தி "அல்வா' வியாபாரம் செய்யக்கூடாது. மேலும் நெல்லை ஜங்ஷனில் உள்ள "திருநெல்வேலி இருட்டுக்கடை அல்வா' என்ற பெயரை நிரந்தரமாக பயன்படுத்த தடை விதித்து தீர்ப்பு கூறினார்.

நல்ல தீர்ப்பு...

இதேபோல் சாந்தி ஸ்வீட்ஸ்-க்கும் ஒரு விடிவு வந்தால் நல்லதுதான். நெல்லை சந்திப்பில் இருக்கும் சில பலகாரக்கடைகளின் பெயர் பின்வருமாறு:

௧. சாந்தி ஸ்வீட்ஸ்
௨. ஒரிஜினல் சாந்தி ஸ்வீட்ஸ்
௩. நெல்லை சாந்தி ஸ்வீட்ஸ்
௪. நியூ சாந்தி ஸ்வீட்ஸ்
௫. திருநெல்வேலி சாந்தி ஸ்வீட்ஸ்

என்னத்தச் சொல்ல.... " longdesc="90" /> " longdesc="90" /> " longdesc="90" />

பொறுத்திருப்போம் விரைவில் நல்ல முடிவு வரும்

(தொழிலில் அவஙக்ளொடு உங்களுக்கு போட்டி இல்லை தானே சிசு)

நம்மகிட்ட நெருங்க முடியுமா...!!!

நம்ம brand ரொம்ப தரமானது பாஸ்....

அப்புடீன்னு நீங்க சொன்னா போதாது நாங்க சொல்லனும்

மொதல்ல நான் சொல்றேன்...
நீங்க சோதிச்சு பாத்து அப்புறம் சொல்லுங்க... ஓகே-வா...

சரி சரி