பொறாமை


20. புகழடைந்தார் நிலை கண்டு பொறாமையில் புழுங்காது
புகழடையக் காரணத்தைப் புரிந்து கொண்டு – உங்கள்
புகழ் வாழ்வு காண புரிந்தொழுகல் சாலச் சிறந்தது.


19. பொறாமைப்படுபவர் மனம் ஓர்நாள் வெளிப்படின் - அதுவே
அவர் புகழைத் தொலைக்கும் கருவியாகும்.



சந்தேகம்

18. சந்தேகத்தால் பிறர்வாழ்வைச் சந்திப்போரிடமெல்லாம் வினவாது
சந்தேகித்தவரிடமே வினாவித் தெளிதல் பண்பாகும்.



உழைப்பால் உயர்தல்


17. துங்கிக் கிடப்பான் துயர் காப்பான்
சோம்பல் களைவான் உழைப்பால் உயர்வான்
16. செய்யுந் தொழிலை மெய்ப்படக் காதலித்தால்
உய்யும் வாழ்வு உழைப்பும் உயரும்.


15. மெய் வருத்தம் பாராது விடியலைத் தேடும் கண்கள்
உள்மனதில் ஊக்கம் இவை மூன்றும்
உழைப்பால் உயர்தலுக்கு உறுதுணையாம்.



நம்பிக்கை

கஷ்டங்கள் வாட்டும் போது தளர்ந்துவிடாது அநுபவப்பாடம் கற்றுக் கொண்ட ஞானத்துடன் நிமிர்ந்து நடவுங்கள். பாதைதோறும் தொடர்ந்துவரும். துன்பங்களும் அநுபவங்களும் உங்களைப் பூரண மனிதனாகப் பிரகாசிக்கச் செய்யும். நம்பிக்கை கொண்டு நகரும் பயணம் எப்போதும் வெற்றிப் பாதைக்கே வழிசமைக்கும். கண்ணபரமாத்மாவிடம் நம்பிக்கை கொண்டு இரு கரங்களையும் நீட்டி அழைத்த போதுதான், ஆண்டவன் பாஞ்சாலிக்கு ஆடை கொடுத்தார். இது நம்பிக்கைக்கு ஆதாரமாகக் கூறப்படும் மகாபாரதக் கதையாகும். எனவே நம்பிக் கைவைக்கும் எக்காரியமும் தோற்றுப் போவதில்லை. தோற்றுப் போகவும் கூடாது.

மகாத்மா

போதனை புரியும் மனிதன், அப்போதனையின் ஆரம்பத்தில் தன்னை ஒருமுறை பரீசீலனை செய்து பார்க்க வேண்டியது அவசியமாகின்றது. அதனைச் செய்வதற்கு அடியேனாகிய யான் பொருத்தமானவனா இறைவா! என்று மனதினுள் ஒன்றுக்குப் பலதடவை சிந்தித்து, அதற்கேற்ப ஒழுகி பிறருக்கு நல்லொழுக்கம் போதிக்க வேண்டியது அவசியம். மகாத்மாகாந்தியின் வாழ்வு இதற்கு எடுத்துக்காட்டாகும். இதன் மூலம் மதங்கள் தோன்றிய மகிமை புரியும். மனிதன் மாமனிதனாகப் பிரகாசிக்க முடியும். மகாத்மாவாக மாற முடியும



மனைமாட்சி
1. குணம் கொண்டு தன் குலம் விளங்கச் செய்து
குணவதியாய் மிளிர்தலும் மனை மாட்சி


2. சிக்கனம் பேணிக் கைப்பணம்தனை அளந்து – தன்
புத்தியைக் கொண்டு மனைவிளங்கச் செய்தலும் மனைமாட்சி


3. சித்தத்துள் சினம் அடக்கி உத்தியைப் பூணாக்கி
நித்திய இன்பத்தை நிலைக்க வைப்பதும் மனைமாட்சி



தியாகம்


4. தம்வாழ்வைத் தீயாக்கி பிறர்வாழ்வுக்கு ஒளியேற்றல்
தியாகம் செய்வார்க்கு யாகமாம்.


5. அவதூறுகளும் அவமானங்களும் இடையூறுகளும் தாங்கி
இடையறாது பணி செய்தல் தியாகம்.


6. உறுதியும் உழைப்பும் உயர்வாய் நோக்கித் - தன்
உடல்வலி நோக்காத் தன்மைத்து தியாகம்.


உயர்ந்தோர் உள்ளம்

7. பெருக்கத்துப் பணிவும் தாழ்வுவரின் தளராமையும்
உயர்ந்தோர் உள்ளத்தின் பண்பாகும்.

8. அறிவிலும் ஆற்றலிலும் உயர்ந்தோர் உயர்ந்தோராகார்
உள்ளத்தால் உயர்ந்தோர் உயர்ந்தோராவார்.

9. மனிதரில் தரம் பார்க்காது குணம் சேர்க்கும்
உயர்ந்தோர் உள்ளம்.

நன்றி நவிலல்

10. நன்றிநவில விதிமுறை இல்லை
நாவின் முனைப்பில் நடைமுறைப்படுத்தப்படும்.

11. வலிந்து கேட்பதன்று நன்றி
நன்றி பெற்றார் மனத்தின்கண்
விரும்பிக்கொடுப்பது.

12. நன்றிநவில சிந்திப்பதில்லை நாநுனி
நவிலத் துடிப்போடு வெளிப்படும்.


பொறாமை


13. அகத்தில் பொறாமை புறத்தில் வேஷம் - அதுவே
அழிவைத் தரும் அடையாளம்


14. அடுத்தவன் வாழ்வின் உயர்வு – உன்
அயராத உழைப்புக்கு வழிகாட்டி
கெடுத்து அவன் வாழ்வைச் சிதைக்க நினைப்பது – உன்
பொறாமைக் குணத்தை வெளிக்காட்டும்

20. புகழடைந்தார் நிலை கண்டு பொறாமையில் புழுங்காது
புகழடையக் காரணத்தைப் புரிந்து கொண்டு – உங்கள்
புகழ் வாழ்வு காண புரிந்தொழுகல் சாலச் சிறந்தது.

19. பொறாமைப்படுபவர் மனம் ஓர்நாள் வெளிப்படின் - அதுவே
அவர் புகழைத் தொலைக்கும் கருவியாகும்.


சந்தேகம்

18. சந்தேகத்தால் பிறர்வாழ்வைச் சந்திப்போரிடமெல்லாம் வினவாது
சந்தேகித்தவரிடமே வினாவித் தெளிதல் பண்பாகும்.



உழைப்பால் உயர்தல்


17. துங்கிக் கிடப்பான் துயர் காப்பான்
சோம்பல் களைவான் உழைப்பால் உயர்வான்
16. செய்யுந் தொழிலை மெய்ப்படக் காதலித்தால்
உய்யும் வாழ்வு உழைப்பும் உயரும்.


15. மெய் வருத்தம் பாராது விடியலைத் தேடும் கண்கள்
உள்மனதில் ஊக்கம் இவை மூன்றும்
உழைப்பால் உயர்தலுக்கு உறுதுணையாம்.

அறிவிலும் ஆற்றலிலும் உயர்ந்தோர் உயர்ந்தோராகார்
உள்ளத்தால் உயர்ந்தோர் உயர்ந்தோராவார்.

கவிக்காதலன் wrote:

அறிவிலும் ஆற்றலிலும் உயர்ந்தோர் உயர்ந்தோராகார்
உள்ளத்தால் உயர்ந்தோர் உயர்ந்தோராவார்.

நன்றி

எல்லாமே அருமை பாராட்டுக்கள் தொடருங்கள் உங்கள் படைப்புகளை

அனைத்தும் அருமை. எங்கே கெளசியை நீண்ட நாட்களாகக் காணவில்லையே?

அவங்க வந்த உடன் சொல்லுவாங்க

தமிழ்த்தோட்டம் (யூஜின்) wrote:அவங்க வந்த உடன் சொல்லுவாங்க

ஓக்கே வெயிட் பண்ணுவோம்.

ஒகே சொல்லிட்டா போச்சு . சட்டி, முட்டி, பானைகலை தூக்கிக்கொண்டு வேற வீடு மாறினேன். லேசா வேலை முடிந்திடும் என்று தான் நினைத்தேன். இன்னும் முடிந்த பாடாக இல்லை. பக்கம் பக்கமா பார்த்து அழகு படித்தினாலும் முடிந்த பாடாக இல்லை. வீடு மாறுவது சும்மா வேலை இல்லை கடவுளே . நீங்க நினைத்துக் கேட்டமைக்கு மிக்க மிக்க நன்றி . இப்பத்தான் வந்திட்டேன் இல்ல