வேளாங்கண்ணி விடுதியில் தங்கி இருந்த 14 இலங்கை அகதிகள் பிடிப்பட்டனர். இவர்கள் அவுஸ்திரேலியாவிற்கு தப்ப முயற்சி செய்தனரா என்பது குறித்து பொலிஸார் விசாரணை நடத்தி வருகின்றனர்.

இலங்கை அகதிகள் தமிழ்நாட்டில் திருச்சி, மதுரை, கோவை, சேலம் உள்பட பல்வேறு இடங்களில் உள்ள அகதிகள் முகாமில் இலங்கை அகதிகள் தங்கி உள்ளனர். அவர்களில் சிலர் வெளிநாட்டுக்கு தப்பி செல்ல திட்டமிட்டனர்.

இதற்காக அவர்கள் வெளிநாட்டுக்கு ஆட்களை அனுப்பும் நிறுவனங்களும் தொடர்பு கொண்டு வருவதாக கூறப்படுகிறது.

வேளாங்கண்ணி விடுதி இந்நிலையில் முதற்கட்டமாக முகவர் நிறுவனங்கள் மூலம் 14 பேர் அவுஸ்திரேலியா செல்ல திட்டம் தீட்டி அவர்கள் வேளாங்கண்ணியில் உள்ள பல விடுதிகளில் தங்கி இருந்தனர்.

இதுபற்றி தஞ்சை பொலிஸாருக்கு ரகசிய தகவல் கிடைத்தது. பின்னர் அவர்கள் வேளாங்கண்ணியில் உள்ள விடுதிகளில் அதிரடி சோதனை நடத்தினர்.

அங்குள்ள அனைத்து விடுதிகளிலும் சோதனை மேற்கொண்டனர். அப்போது 14 இலங்கை அகதிகள் சிக்கினர். அவர்கள் அனைவரும் அவுஸ்திரேலியா செல்ல திட்டமிட்டு இருந்தது தெரியவந்தது. அந்த 14 பேர்களிடமும் பொலிஸார் விசாரணை நடத்தி வருகின்றனர். விசாரணையில் அவர்களை வெளிநாட்டுக்கு அனுப்பும் நிறுவனம் ஒவ்வொருவருக்கும் தலா ரூ.1 லட்சம் வாங்கி இருப்பதும் தெரிய வந்தது. அவர் மேலும் பலரிடம் பணம் வாங்கி இருப்பதும் விசாரணையில் தெரிய வந்தது.

இலங்கை அகதிகளிடம் பணம் வாங்கி கொண்டு அவர்களை வெளிநாட்டுக்கு அனுப்பும் நிறுவனம் யார்? என பொலிஸார் தீவிர விசாரணை நடத்தி வருகின்றனர். தொடர்ந்து பொலிஸார் வேளாங்கண்ணி முழுவதும் உள்ள ஓட்டல்கள், விடுதிகளில் சோதனை நடத்தி வருகின்றனர்.

பகிர்வுக்கு மிக்க நன்றி