பிரான்சின் மேற்கு பகுதியில் உள்ள நன்டெஸ் Nantes என்ற இடத்தில் காணாமல் போன குடும்பத்தினர் சடலமாக மீட்கப்பட்டுள்ளனர்.

இந்த மாதம் 3ஆம் திகதி முதல் சேவியர் குபொன்ற் என்பவரும் அவரின் மனைவி அக்னஸ், பிள்ளைகளான 21வயதுடைய தோமாஸ், 18வயதுடைய ஆர்த்தர், 16வயதுடைய அனே 13வயதுடைய பெனொய்ற் ஆகியோர் வீட்டிலிருந்து காணாமல் போயிருந்தனர்.

அவர்களின் வீட்டுத்தோட்டத்திலிருந்து நேற்று சடலங்களாக மீட்கப்பட்டுள்ளனர்.

இவர்கள் கடத்தப்பட்டு படுகொலை செய்யப்பட்டிருக்கலாம் என விசாரணை நடத்திவரும் காவல்துறையினர் தெரிவித்துள்ளனர்.

அண்மையில் இவர்கள் ஒஸ்ரேலியாவில் குடியேற திட்டமிட்டிருந்தனர் என்றும் கொலையாளிகள் பற்றிய தகவல்கள் இதுவரை கிடைக்கவில்லை என்றும் காவல்துறை அதிகாரிகள் தெரிவித்துள்ளனர்.

பிரான்ஸில் வன்முறை சூழல் காணப்படுவதாகவும் தமது பிள்ளைகளை கத்தோலிக்க மதத்தில் ஈடுபாடு உள்ளவர்களாக வளர்ப்பதற்காக ஒஸ்ரேலியாவில் குடியேறப்போவதாக படுகொலை செய்யப்பட்ட குடும்பத்தலைவனான சேவியர் அயலவர்களிடம் தெரிவித்திருந்தார்.

கத்தோலிக்க மதத்தை சேர்ந்த அவர்கள் நடுத்ததர குடும்பத்தை சேர்ந்தவர்கள் என்றும் மிகவும் அமைதியான நல்ல சுபாபம் கொண்டவர்கள் என்றும் அயலவர்கள் தெரிவித்துள்ளனர். அக்குடும்பத்தைப்பற்றி எந்தவிதமான முறைப்பாடுகளும் இதுவரை கிடைத்ததில்லை என்றும் காவல்துறையினர் தெரிவித்துள்ளனர்.

என்ன நோக்கத்திற்காக இந்த கொலை நடத்திருக்கலாம் என்பது தொடர்பாக அப்பகுதி மக்கள் மத்தியில் பெரும் சந்தேகங்கள் எழுந்திருக்கின்றன. மிகவும் அமைதியும் ஒழுக்கமும் நிறைந்த அந்த குடும்பத்தின் பிரிவு தம்மை சோகத்தில் ஆழ்த்தியிருப்பதாக அயலவர்கள் தெரிவித்துள்ளனர்.
[You must be registered and logged in to see this image.]

பரிதாபம்