கள்ளக்காதலை கண்டித்த கல்லூரி மாணவி எரித்துக் கொலை போலீஸ்காரர்-தாய் கைது

by **RAJABTHEEN** Sat Apr 23, 2011 4:01 am

நெல்லை மாவட்டம் கடையநல்லூரை சேர்ந்தவர் சுப்பையாபாண்டியன். இவரது மனைவி செண்ப கவல்லி. இவர்களது மகள் பத்மினி (வயது 18).என்ஜினீயரிங் முதலாமாண்டு படித்து வந்தார்.

கடந்த மாதம் 23-ந்தேதி பத்மினி மர்மானமுறையில் உடல் கருகி இறந்தார். இது தொடர்பாக தாய் செண்பகவல்லியை பிடித்து போலீசார் விசாரணை நடத்தினர். அப்போது அவர் தனது கள்ளக்காதலன் சுந்தரையா என்பவருடன் சேர்ந்து பத்மினியை தீவைத்து எரித்துக்கொன்றது தெரியவந்தது.

செண்பகவல்லியின் கள்ளக்காதலன் சுந்தரையா கடையநல்லூர் போலீஸ் நிலையத்தில் ஜீப் டிரைவராக வேலை பார்த்து வந்தார். இவர் செண்பகவல்லியின் உறவினரும் ஆவார். செண்பகவல்லியின் கணவர் இல்லாத சமயத்தில் இருவரும் உல்லாசமாக இருந்தனர். இதனை பத்மினி நேரில் பார்த்து கண்டித்தார். இதனால் ஆத்திரமடைந்த இருவரும் கடந்த மாதம் 23-ந்தேதி பத்மினியின்கழுத்தை துண்டால் இறுக்கி கொன்றனர் பின்னர் அவர் மீது மண்எண்ணை ஊற்றி தீவைத்து எரித்தனர்.

போலீசிடம் பத்மினி தீக்குளித்து தற்கொலை செய்து கொண்டது போல் நாடகமாடினர். போலீசார் விசாரணையில் இருவரும் சிக்கிக்கொண்டனர். இருவரையும் போலீசார் கைது செய்து தொடர்ந்து விசாரணை நடத்தி வருகின்றனர்.

சுந்தரையாவுக்கு பல்வேறு பெண்களுடன் இருந்து வந்த பழக்கம் ஏற்கனவே உயர் போலீஸ் அதிகாரிகளுக்கு தெரியவந்தது. இதையடுத்து அவர் சஸ்பெண்டு செய்யப்பட்டார்.