காத்துவாயன் கவிதை - எப்போ நிறுத்தப் போறீங்க?

by **அ.இராமநாதன்** Mon Apr 25, 2011 1:34 pm

-

வித்தியாசங்கிறான்...
மாறுபட்ட படங்கிறான்...
இது திரையுலக புரட்சிங்கிறான்...
எட்டு மணி நேரம் மேக்-அப் போட்டேங்கிறான்
எட்டுக்கால் பூச்சி கடிச்சதையும் தாங்கிகிட்டேங்கிறான்...
-
படத்தக் கதை கேட்டுப்புட்டு
நடிகை காசு வாங்காமலேயே
நடிச்சுப்புட்டு நாலுநாள் அழுதாங்கிறான்
-
அந்தப் பெரிய நடிகர் ரஷ் பார்த்துப்புட்டு
மூணுநாள் பிரஷ் பண்ணலைங்கறான்!
சான்ஸே இல்லை சர்வதேச சினிமாவுக்கு
சவால்னு சிலுப்பறான்
-
நம்பி நம்பி உட்கார்ந்தே
நாசமாப் போனவன்தான்டா தமிழன்
எவ்வளவுதான் இப்படி பில்டு-அப் பண்ணுவீங்க?
-
ஸ்பானிஷ் சரக்கை பாதி உருவி
இந்தி சால்னாவை இஷ்டத்திற்கு கலந்து
குடியாத்தம் குத்தாட்டத்தை குறுக்கே சேர்த்து
பிச்சைக்காரன் பித்தளை தட்டு சோறு போல
கலந்து கட்டியா வைச்சுப்புட்டு
-
மோவாயில கை வைச்சு மோட்டு வளைய பார்த்துகிட்டு
பதேர் பாஞ்சாலி, எலிபத்தாயம் கணக்கா
எட்டு வாரம் ஒன்பது சேனல்ல பில்டு - அப் கொடுக்கறத
எப்போ நிறுத்தப் போறீங்க?
-
நல்ல விதமா படம் எடுத்தா
நாயர் கடையில் நாலு அவுன்ஸ் டீ
குடிக்கிறவனுக்கும் தகவல் தானா போயுடும்டா...
புரிஞ்சுக்கடா... கோடம்பாக்கத்து ஜீன்ஸ் தம்பி!

==============================================
- கவிஞர் காத்துவாயன்
நன்றி: குமுதம்