நாம் தயாரித்த சிடி/டிவிடியின் நகல் ஆனது
பெரும்பாலும் iso,nrf,uif,bin,cue போன்ற பார்மட்களில் இருக்கும். அதுதான்
சிடி/டிவிடி இமேஜ் ஆகும். இதனை நாம் winrar போன்ற கம்ப்ரஸ்ஷன் மென்பொருள்
மூலம் திறந்து பார்க்கமுடியும். ஆனால் mountசெய்வது என்பது வேறானது. ஒரு
நிஜ சிடி/டிவிடி டிரைவினை(hardware) நம் கணினியில்
இணைக்காமல் ஆனால் ஒரு புது டிரைவினை நாம் இணைத்திருப்பது போல்
போல் நம் கணினியில் உருவகிப்பது ஆகும். அதாவது நாம் தயாரித்த
சிடி/டிவிடி இமேஜ்களை ஒரு உண்மையான சிடி/டிவிடியில்
எரிக்காமல் அதனை உண்மையான எரித்த சிடி/டிவிடி போல் பாவிப்பது. நாம் எதேனும்
ஒரு computer gameஇனை இமேஜ் ஆக உருவாக்கியோ, அல்லது இணையத்திலிருந்து
தரவிறக்கியோ இருப்போம். அது பெரும்பாலும் .iso இமேஜ் ஆக இருக்கும், நாம்
அந்த கேமினை நம் கணினியில் நிருவ வேண்டும் என்றால் அதனை ஒரு
சிடி/டிவிடியில் எரித்து பயன்படுத்த வேண்டும். அதற்கு பதிலாக நாம்
இந்த விர்ச்சுவல் டிரைவ் முறையினை பயன்படுத்தி கணினியில்
நிறுவிக்கொள்ளலாம். இதனை மேற்கொள்ள நமக்கு எதாவது ஒரு விர்ச்சுவல் டிரைவ்
மென்பொருள் தேவை. நீங்கள் nero உபயோகிப்பவர் என்றால்
அதில் virtual driveயினை பயன்படுத்திக்கொள்ளலாம். நாம் இங்கு
பார்க்கப்போவது DEAMON TOOL என்ற விர்ச்சுவல் மென்பொருள். இது எனக்கு
மிகவும் பிடித்த ஒன்று. எனவே இதனை பற்றி பார்ப்போம். இது இலவசமான
மென்பொருள் ஆகும். இதனை இன்ஸ்டால் செய்யும் போது free license என்பதை
தேர்வு செய்யுங்கள். இது பயன்படுத்தவும் சுலபம்தான்.
இதனை கீழிருந்து தரவிறக்கிக்கொள்ளவும்.
download page:click


இதனை உங்கள் கணினியில் நிறுவியவுடன் உங்கள் my computerல் புதிதாக டிவிடி
டிரைவ் ஒன்று வந்திருப்பதை பாருங்கள். இதுதான் விர்ச்சுவல் டிரைவ். நாம்
எந்த வித புது டிரைவினையும் இணைக்கவில்லை ஆனால் நம் கணினிக்கு புதிதாக
இணைத்திருப்பது போன்று இந்த மென்பொருள் உருவாக்குகிறது. நாம் தயாரித்த
சிடி/டிவிடி இமேஜ்-களை எப்படி மௌண்ட் செய்வது என்று காணலாம்.


1. முதலில் DEAMON TOOLஇனை திறந்து கொள்ளுங்கள்.
2. அதில் Add file என்பதை கிளிக் செய்து உங்கள் கணினியில் உள்ள இமேஜ்-களை சேர்த்துவிடுங்கள்.
3. அவை மேலே உள்ள Image Catalogல் தெரியும்.
4. பிறகு அதனை தேர்வு செய்து பக்கத்தில் இருக்கும் Mount எனும் பட்டனை
அழுத்தவும். அல்லது அதனை வலது கிளிக் செய்தும் mount செய்யலாம்.

உங்களுக்கு மேலும் விர்ச்சுவல் டிரைவ் தேவை என்றால் Add device பட்டனை கிளிக் செய்து சேர்த்துக்கொள்ளலாம்.
மேலும் இதன் மூலம் சிடி/டிவிடி இமேஜ்களை உருவாக்கலாம். அதனை நிஜ சிடி/டிவிடிகளிலும் எரிக்கலாம்.



உங்கள் taskbarல் உள்ள deamontool iconஐ வலது கிளிக் செய்தும் இமெஜ்-களை மௌண்ட் செய்யலாம்.
இது பெரும்பாலும் பலருக்கு தெரிந்திருந்தாலும், புதியர்வர்களுக்கு உதவும் என நம்புகிறேன்.