எனக்கு திருமணம் நடக்கவில்லை; நடிகை கிரண் பரபரப்பு !

ஜெமினி” படம் மூலம் தமிழில் நாயகியாக அறிமுகமானவர் கிரண். வில்லன்,
அன்பேசிவம், வின்னர், தென்னவன், நியூ, குரு சிஷ்யன் உள்ளிட்ட பல படங்களில்
நடித்துள்ளார். தற்போது “அகராதி” படத்தில் நடிக்கிறார். கிரணுக்கு திருமணம்
முடிந்து விட்டதாக செய்திகள் வெளியாகின. நெருக்கமான நண்பர் ஒருவரை மணந்து
கொண்டதாக பரபரப்பனது. இது குறித்து கிரண் அளித்த பேட்டி வருமாறு:-

எனது
நண்பர்கள் சிலர் போன் செய்து திடீரென என் மேல் கோபப்பட்டனர்.
திருமணத்துக்கு எங்களை ஏன் அழைக்கவில்லை என்று கேட்டார்கள். இன்னும் சிலர்
எனக்கு திருமண வாழ்த்துக்கள் கூறினார்கள். அதன் பிறகுதான் நான் திருமணம்
செய்து கொண்டதாக செய்தி வந்திருப்பது எனக்கு தெரிய வந்தது.

இந்த
செய்தியை பார்த்து சில தயாரிப்பாளர்கள் என்னை படங்களில் ஒப்பந்தம் செய்ய
மறுத்தனர். சிலர் அட்வான்ஸ் பணத்தைக் கூட திருப்பி வாங்கிக் கொண்டனர்.
திருமணமான உன்னால் நடிப்பில் கவனம் செலுத்த முடியாது என்றனர். இதனால்
பாதிப்புக்கு உள்ளானேன்.எனக்கு இன்னும் திருமணம் நடக்கவில்லை. இப்போதைக்கு
திருமணம் செய்து கொள்ளும் எண்ணமும் இல்லை.

கடந்த 7 வருடங்களில்
எனக்கு திருமணம் முடிந்து விட்டதாக மூன்று தடவை செய்திகள் வந்துள்ளன. நான்
தனியாகத்தான் இருக்கிறேன். எனது கவனமெல்லாம் சினிமாவில்தான் இருக்கிறது.
நல்ல கதையம்சம் உள்ள படங்களை மட்டுமே தேர்வு செய்கிறேன். எனது நடிப்புக்கு
முக்கியத்துவம் இல்லாமல் வந்த பல பட வாய்ப்புகளை ஒதுக்கி உள்ளேன்.

இவ்வாறு கிரண் கூறினார்.