உளவியலாளர், சமூகநல பணியாளர் பணிக்கு விண்ணப்பங்கள் வரவேற்கப்படுகிறது

மாவட்டங்களில் மனநல மருத்துவர்களுக்கு தொழில்நுட்ப உதவி அளிக்க தேவைப்படும்
உளவியலாளர்கள் மற்றும் சமூகநல பணியாளர்களிடம் இருந்து விண்ணப்பங்கள்
வரவேற்கப்படுகின்றன.

இதுதொடர்பாக சுகாதாரத்துறை முதன்மை செயலாளர் வி.கே.சுப்புராஜ் நேற்று வெளியிட்ட அறிக்கையில் கூறியிருப்பதாவது:-

தமிழ்நாட்டில் மாவட்ட மனநல சுகாதாரத் திட்டம் தமிழ்நாடு அரசால்
செயல்படுத்தப்பட்டு வருகிறது. இந்த திட்டத்தின் முக்கிய நோக்கம், மன
நோயாளிகளுக்கும், மனநோய்க்கு எளிதில் இலக்காகும் நபர்களுக்கும், சிறப்பான
மருத்துவ சிகிச்சை ஆரம்ப சுகாதார நிலையம், தாலுக்கா மருத்துவமனைகள் மற்றும்
அரசு தலைமை மருத்துவமனைகளில் அளிக்கப்பட்டு வருவதாகும்.

இந்த திட்டம் அமலாவதற்கு முன்பு, மருத்துவ கல்லுÖரி மருத்துவமனைகளிலோ,
பெருநகரங்களில் உள்ள மனநல மருத்துவர்களிடம் மட்டுமே சிகிச்சை பெற
முடிந்தது. இதனால், அதிகமான பொருட்செலவும், நேரமும், உடன் வருபவர்களின் நேர
இழப்பும், ஏற்பட்டு வந்தது. சிகிச்சையின் இடையே தவிர்க்க இயலாத
காரணத்தால், தொடர் சிகிச்சை எடுக்க இயலாத நிலை இருந்து வந்தது.

இந்த திட்டம் அமலுக்கு வந்த பிறகு மனநோயாளிகள் அதிக அளவில் தங்கள்
வசிப்பிடங்களுக்கு அருகிலேயே சிகிச்சை பெற்றும், குணமடைந்தும்
வருகிறார்கள். எட்டு மாவட்டங்களில் மனநல மருத்துவர்களுக்கு தொழில் நுட்ப
உதவி அளிக்க உளவியலாளர்கள் மற்றும் சமூக நலப்பணியாளர்கள்
தேவைப்படுகின்றனர்.

அதன்படி, மதுரை, தேனி, திருச்சி ஆகிய மாவட்டங்களில், உளவியலாளர்
மற்றும் சமூக நலப்பணியாளர் பணியிடமும், நாமக்கல், திருவாரூர், காஞ்சீபுரம்
ஆகிய மாவட்டங்களில் சமூக நலப்பணியாளர் பணியிடமும், கன்னியாகுமரி
மாவட்டத்தில் உளவியாளர் பணியிடமும், ராமநாதபுரம் மாவட்டத்தில் சமூக
நலப்பணியாளர் பணியிடமும் நிரப்பப்பட உள்ளது. இந்த பணியிடம் முழுக்க முழுக்க
தற்காலிகமானதாகும்.

உளவியலாளர் எம்.பில் (கிளினிக்கல் சைக்காலஜி) அல்லது எம்.ஏ அல்லது
எம்.எஸ்ஸி (உளவியல்) துறையில் 6 மாத பயிற்சி அனுபவம் மற்றும் சமூக நல
ஊழியர் எம்.எஸ்.டபிய்ல்ï-எம்.ஏ சமூக நலப்பணி மனநலம் பயின்றோருக்கு
முன்னுரிமை அளிக்கப்படும். வயது வரம்பு இல்லை. சொந்த மாவட்டத்தை
சேர்ந்தவர்களுக்கு முன்னுரிமை அளிக்கப்படும். உளவியலாளர்களுக்கு மாத
தொகுப்பூதியம் ரூ.8 ஆயிரம், சமூக நல ஊழியர்களுக்கு மாத தொகுப்பூதியம் ரூ.5
ஆயிரம் வழங்கப்படும்.

விருப்பமுள்ளவர்கள் அவர்களது விண்ணப்பத்தினை வரும் 24-ந் தேதிக்குள்
இயக்குனர், மருத்துவம் மற்றும் ஊரக நலப்பணிகள் இயக்ககம், (மத்திய மனநலத்
திட்டம்) தொகுப்பூதிய பணியிடம், டி.எம்.எஸ். வளாகம், தேனாம்பேட்டை,
சென்னை-6 என்ற முகவரிக்கு தங்களின் பெயர், பிறந்த தேதி, கல்வி தகுதி, சொந்த
மாவட்டம் சான்றிதழ்களை இணைத்து (ஜெராக்ஸ் நகல்) தொடர்பு கொள்ள வேண்டிய
முகவரியை குறிப்பிட்டு அனுப்புமாறு கேட்டுக்கொள்ளப்படுகிறார்கள்.

இவ்வாறு செய்திக்குறிப்பில் கூறப்பட்டுள்ளது.