நம் இரகசிய வேளைகளில்...!!!

by **சரவணன்** Sat Apr 30, 2011 4:56 pm

சப்தசுவடின்றி மௌன தவமாய்
உணர்வுகள் உற்சாக துள்ளலென
ஊஞ்சலாட தனக்கே
உரித்தான பெண்மை
நாண சரணடைந்தேன் உன்னகத்தில் !!!

விழிகளில் காதலெனும்
ஆயுதமேந்தி மனத்தை
படையெடுத்த படை வீரனான
உன்னின் ஒரே கண்வீச்சில்
வீழ்ந்ததே - என் மனம்
உன் இருதயத்தில்!!!!

தனிமை தருணங்களில்
சொர்க்கத்தை பூமிக்கு
கொணர்ந்தயோ!! எனும் ஐயம்
உன் அணைப்புக்குள்
நான் இருக்கும்
வேளைகளில் ....

முத்தமொட்டுகள் தூவ
இரத்த தரங்களில் கிளர்ச்சி
வாசித்த தாளலயத்திற்கு ஏற்ப
ஒவ்வொரு செல்லும்
ஆவலாய்
குழலேனும் இசை மீட்ட
அரங்கேறியது நம் காதல் சண்டை .......