ரோட்டோரம் ஆதரவின்றி கிடக்கும் மனநிலை பாதித்தோர், நடக்க முடியாத வயதான பிச்சை காரர்களை தேடிச் சென்று உணவளிக்கும் மதுரை வாலிபர் நாராயணன் கிருஷ்ணன், சிஎன்என் செய்தி நிறுவனத்தின் ‘டாப்10 நிஜ ஹீரோக்கள்’ பட்டியலில் இடம்பிடித்துள்ளார்.

மதுரையை சேர்ந்தவர் நாராயணன் கிருஷ்ணன் (29). ரோட்டோரம் கிடக்கும் மனநிலை பாதித்தோர், முடங்கிப்போன முதியோர் என தினமும் மூன்று வேளை 400 பேரை தேடிச் சென்று உணவுப்பொட்டலங்கள் விநியோகித்து வருகிறார். இன்று, நேற்று அல்ல.. 2002&ம் ஆண்டு ஜூன் முதல் கடந்த 8 ஆண்டுகளுக்கும் மேலாக பைவ்ஸ்டார் ஓட்டல் சமையல் கலை வல்லுனரான நாராயணன் கிருஷ்ணனுக்கு சுவிட்சர்லாந்தில் ஒரு பெரிய நிறுவனத்தில் வேலை கிடைத்தது. மதுரையில் உள்ள பெற்றோரை பார்க்க கடந்த சில ஆண்டுகளுக்கு முன்பு வந்திருந்தார்.

முதியவர்களும் மனநலம் பாதிக்கப் பட்டவர்களும் உணவு கிடைக்காமல் படும் அவலத்தை பார்த்தார். வெளிநாட்டு வேலையை விட்டார். மதுரையிலேயே தங்கினார். மனநிலை பாதித்த, முதியோரை தேடிச் சென்று உணவு கொடுக்க தொடங்கினார்.
இதற்காக ‘அக்ஷயா’ என்ற பெயரில் அறக்கட்டளை நடத்தி வருகிறார். இந்த டிரஸ்ட் மூலமாக இதுவரை 1 லட்சத்து 20ஆயிரம் உணவுப்பொட்டலங்களை ஆதரவற்றோருக்கு கொடுத்திருக்கிறார். புயல், தேர்தல், கலவரம், பந்த் என எந்த சூழலிலும் இவரது உணவு விநியோக சேவை தடைபட்டதில்லை.

ரோட்டோரத்தில் ஆதரவின்றி தவிக்கும் மக்களுக்காக சேவையாற்றி வரும் நாராயணன் கிருஷ்ணனை உலகின் உன்னத 10 ஹீரோக்களில் ஒருவராக அமெரிக்காவின் சிஎன்என் தொலைக்காட்சி தேர்ந்தெடுத்திருக்கிறது.

அமெரிக்கா, மெக்சிகோ, நேபாளம், கென்யா உள்பட பல நாடுகளை சேர்ந்த 10 பேர் இடம் பிடித்திருக்கும் இப்பட்டியலில் இந்தியாவை சேர்ந்தவர் மதுரை மண்ணின் மைந்தர் நாராயணன் கிருஷ்ணன் மட்டுமே.
இவர்கள் அமெரிக்காவின் லாஸ்ஏஞ்சல்ஸ் நகரில் உள்ள சிரின் ஆடிட்டோரியத்தில் நவம்பர் 25&ம் தேதி நடக்கவுள்ள விழாவில் கவுரவிக்கப்பட உள்ளனர். சிஎன்என் தொலைக்காட்சியில் இந்நிகழ்ச்சி இந்திய நேரப்படி நவம்பர் 26&ம் தேதி காலை 8 மணிக்கு நேரடியாக ஒளிபரப்பாகிறது.

டாப் 10 ஹீரோக்களில் முதன்மையான ஒருவரை தேர்வு செய்ய ஆன்லைன் ஓட்டளிப்பையும் சிஎன்என் நடத்துகிறது.

please log in to vote-http://childtrust.110mb.com/CNN%20heroes/index.html

என்ற இணையத்தளத்தில் நவம்பர் 18ம் தேதிக்குள் ஓட்டளிக்க வேண்டும் என அறிவிக்கப்பட்டுள்ளது.