நோர்வே நாட்டில் இலங்கைக்கு எதிராக வழக்கு தொடரப்பட்டுள்ளதாக, அந் நாட்டு பத்திரிகை செய்தி வெளியிட்டுள்ளது.





மஹிந்த, கோத்தபாய உட்பட இலங்கையில் உள்ள உயர்மட்ட தலைவர்கள் 20 பேருக்கு எதிராக போர்குற்ற வழக்கு தொடரப்பட்டுள்ளது.

தற்போது
தொடரப்பட்டுள்ள வழக்கில் இலங்கையின் உயர்மட்ட தலைவர்களும் அடங்குகின்றனர்,
அவர்கள் வேறு நாடுகளுக்கு பயணம் செய்யும் போது அந் நாடுகளில் அவர்கள்
கைதுசெய்ய முடியாத ஒரு நிலை காணப்படுகிறது.

ஆனால் அரசு முறைப்
பயணத்தைத் தவிர, தனிப்பட்ட ரீதியாக அவர்கள் வேறு நாடுகளுக்குச் செல்லும்
போது கைதாகும் வாய்பு இருப்பதாக நோர்வே பத்திரிகை மேலும்
குறிப்பிட்டுள்ளது. குறிப்பாக நோர்வேயில் தொடரப்பட்டுள்ள வழக்கில்,
பிரதிவாதிகளாக 20 பேரின் பெயர்கள் முன்மொழியப்பட்டுள்ளது.

இவர்கள்
மீது பல்வேறு வகையான குற்றச்சாட்டுகள் சுமத்தப்பட்டுள்ளது. போர் நடைபெற்ற
காலத்தில், மக்கள் கொத்துக் கொத்தாகக் கொல்லப்பட்ட புகைப்படங்கள், ஆவணங்கள்
மற்றும் வீடியோ ஆதாரங்கள் என பல்வகையான சான்றுகள் நோர்வே நீதிமன்றில்
சமர்பிக்கப்பட்டுள்ளது.

சமாதான காலத்தில் அதன் ஏற்பாட்டாளராக
இருந்த நோர்வே அரசாங்கம் தாம் நடு நிலை வகிப்பதாகக் கூறிவந்தாலும்,
புலிகளின் வீழ்ச்சிக்குப் பின்னர் இலங்கை அரசோடு தனது உறவுகளைப்
பலப்படுத்திக் கொண்டுள்ளது.

நோர்வே தமிழர் அவையால் இந்த வழக்கு வெற்றிகரமாக நீதிமன்றில் சமர்பிக்கப்பட்டுள்ளது.

எது
எவ்வாறு இருப்பினும், தமிழர்கள் பரந்து வாழும் நாடுகள் பலவற்றில், இலங்கை
போர்க்குற்றவாளிகளுக்கு எதிராக பல வழக்குகள் தொடரப்பட்டு வருகின்றது.

இதே
நிலை நீடித்தால், இன்னும் சிறிது காலத்தில் போர்க்குற்றவாளிகள் எந்த ஒரு
வெளிநாட்டிற்கும் பயணத்தை மேற்கொள்ள முடியாத நிலைதோன்றும் என்பதில்
சந்தேகமில்லை