காரைக்குடி: ஐந்து தலைமுறையை கண்ட காரைக்குடியை சேர்ந்த நூறு வயது
மூதாட்டி சிவகாமி ஆச்சிக்கு பேரன், பேத்திகள் சார்பில் பிறந்த நாள் விழா
கொண்டாடப்பட்டது. இவர், காரைக்குடி அருகே ஆத்தங்குடியில் 1911ம் ஆண்டில்
பிறந்தார். கணவர் பழனியப்பன். இவர்களுக்கு மூன்று மகள், இரண்டு மகன் என
ஐந்து பிள்ளைகள் உள்ளனர். சிவகாமிக்கு 40 வயது இருக்கும்போதே கணவர் இறந்து
விட்டார். மனம் தளராமல் பிள்ளைகள் அனைவரையும், படிக்க வைத்து அவர்களுக்கு
திருமணமும் முடித்து வைத்துள்ளார். இவர்கள் அனைவரும் பல ஊர்களில் வசித்து
வருகின்றனர்.
* நூறு வயது: தற்போது ஐந்து தலைமுறையை கண்டதோடு, பேரன், பேத்திகள் என நூறு
வயதை கடந்து சிவகாமி ஆச்சி மகிழ்ச்சியோடு வாழ்ந்து வருகிறார். தினமும் தனது
அன்றாட பணிகளை தானே செய்து வருகிறார். அடுத்தவர் உதவியை நாடுவதில்லை.
பார்வை, கேட்கும் திறன் இன்றும் நன்றாக இருப்பதால் "டிவி' பார்ப்பதை
வழக்கமாக கொண்டுள்ளார்.

*பிறந்த நாள் விழா: பல்வேறு ஊர்களில் வசிக்கும் மகன்,மகள் பிள்ளைகளின்
பேரன், பேத்திகள்,மூதாட்டி சிவகாமிக்கு நூறு வயதை கொண்டாடும் வகையில்
பிறந்த நாள் விழா கொண்டாட முடிவு செய்தனர். கடந்த இரண்டு நாட்களுக்கு
முன்னதாகவே, காரைக்குடி அருகே ஆத்தங்குடியில் வசிக்கும் சிவகாமி ஆச்சியின்
மகளான சீதைஆச்சி வீட்டிற்கு வந்தனர். உற்றார், உறவினர்கள் என சொந்தம்,
பந்தங்களை போனிலும், கடிதம் மூலமாகவும் தொடர்பு கொண்டதால் கூட்டம் களை
கட்டியது. நேற்று காலை பிள்ளையார்பட்டியில் மூதாட்டி சிவகாமிஆச்சிக்கு
கோயில் பட்டர் பிச்சைகுருக்கள் தலைமையில் கனகாபிஷேகம் நடந்தது.

நன்றி தினமலர்