அமெரிக்கா போகிறாரா ரஜினி..?

by **உதுமான் மைதீன்** Wed May 11, 2011 5:12 pm

ரஜினிகாந்துக்கு கடந்த மாதம் 29-ந் தேதி திடீர் உடல்நலக்குறைவு ஏற்பட்டுசிகச்சை எடுத்து விட்டு ஒரே நாளில் வீடு திரும்பினார்.

கடந்த 4-ந் தேதி அவருக்கு மீண்டும் உடல்நலக்குறைவு ஏற்பட்டு, சென்னை இசபெல்லா மருத்துவமனையில் அனுமதிக்கப்பட்டார். அவருக்கு காய்ச்சலும், இருமலும் இருப்பதாக கூறப்பட்டது. இதற்காக, தீவிர சிகிச்சை பிரிவில் வைத்து அவருக்கு சிகிச்சை அளிக்கப்பட்டது.

இதற்கிடையில், நேற்று காலை 7.45 மணிக்கு ரஜினிகாந்த் டாக்டர்கள் அனுமதியுடன் சென்னை பிராட்வேயில் உள்ள காளிகாம்பாள் கோவிலுக்கு வந்து சாமி கும்பிட்டார். அங்கு அவர் பெயரில், அம்பாளுக்கு விசேஷ பூஜை நடந்தது.

45 நிமிடங்கள் காளிகாம்பாள் கோவிலில் இருந்த ரஜினிகாந்த், 8.30 மணிக்கு அங்கிருந்து புறப்பட்டு சென்றார்.

இதேபோல் சென்னை திருவான்மிïர் கலாசேத்ரா காலனியில் உள்ள பாம்பன் சுவாமி கோவிலுக்கும் ரஜினிகாந்த் சென்று சாமி கும்பிட்டார். பாம்பன் சுவாமிகள் சமாதி முன்பு அமர்ந்து 15 நிமிடங்கள் தியானம் செய்தார். பின்னர் அவர் அங்கிருந்து காரில் புறப்பட்டு மருத்துவமனைக்கு சென்றார்

நேற்று மாலை 6.15 மணிக்கு ரஜினிகாந்த் ஆஸ்பத்திரியில் இருந்து வீடு திரும்பினார்.

இந்நிலையில் நடிகர் ரஜினிகாந்த், ஓய்வெடுக்கவும் நவீன சிகிச்சை மேற்கொள்ளவும் அமெரிக்கா செல்லப் போவதாக தகவல்கள் வெளியாகியுள்ளன.

'ராணா' படத்தில் முழு வீச்சில் ஈடுபடுவதற்கு முன் பூரண ஓய்வு அவசியம் என்பதால் அவர் அமெரிக்கா செல்வதாகக் கூறப்படுகிறது.

விகடன்