பேராசை.....

by Premi Wed May 11, 2011 6:20 pm

பெரிய பெரிய ஆசை
பெருமையாக சொன்னால்
பேராசை.....

வரையரைகள் இல்லாத
வஞ்சி இவள் ஆசை...

ஆயிரம் பிறவிகள்
பூமியில் பிறந்திட ஆசை....

அத்தனை பிறப்பிலும்
அத்தான் இவனோடு மட்டும்
ஆனந்தமாய் உறவாட ஆசை....

பகல் இரவு பாராமல்
பண்பாளனுடன் இசை படித்திட ஆசை...

பகலவன் இவனுடன்
பாசத்தை பகிர்ந்துகொள்ள ஆசை...

காலம் முழுவதும்
காதலன் இவனுடன்
கைபிடித்து நிழலாய் நடந்திட ஆசை..

பொங்கிவரும் கடலில்
பொன்னவன் இவனோடு
புனித நீராட ஆசை...

நீராடி நனைந்து நிற்கும்
என்னவனின் முதுகில்
சேர்ந்திருக்கும் நீர் துளிகளில்
மெல்லமாய் முத்தமிட ஆசை...

அவன் எடுத்து அணியும்
ஆடையும் நானாகிட ஆசை....

இசைப்பிரியன் உண்ணும் உணவிலும்
உப்பாய் இருந்திட ஆசை....

சுட்டெரிக்கும் வெயிலிலும்
சுந்தரன் இவனுடன்
ஊர் சுற்றி வர ஆசை....

நெஞ்சுக்குள் இருக்கும்
மன்னவன் நெற்றியிலிருந்து விழும்
வியர்வை முத்துக்களை
மொத்தமாய் முத்துமாலை
கோர்த்திட ஆசை....

கண்ணன் அவன் காணும்
கலைகள் யாவும் நானாகிட ஆசை...

முறம்போல் விரிந்திருக்கும்
அன்பனின் விரிந்த மார்பில்
தலை சாய்ந்து உறங்கிட ஆசை...

என் தலை வருடும் அந்த
கரங்களின் விரல்களில்
மெல்லமாய் சொடுக்கெடுக்க ஆசை...

தனிமையில் தவித்து அழும்போது
தாயுமானவன் மடி தேடிட ஆசை....

கைகூப்பி கண்மூடி நிற்கும்போது
கடவுளாய் கண்டிட ஆசை...

மாலை நேர சூரியன் மறைவில்
மாறும் இயற்கையை
மச்சானின் தோளோடு தோள்
சாய்ந்து ரசித்திட ஆசை....

விடியலில் தொடங்கும் என்னவனின்
தேவைகளை செவிலியாய் இருந்து
அவனிற்கு செயலாற்றிட ஆசை...

ஒளிரும் இருளில் ஊரின் அமைதியில்
தேவனின் ஆசைகள் அறிந்து
தாசியாய் இருந்திட ஆசை....

உற்றவனின் உதிரம் சுமக்க
ஓராயிரம் ஆசை...

மொத்ததில் நான் அவனாய்
இருந்து இறந்திட ஆசை...

கனிவுடன்
பிரேமலதா