கடவுள் நம்மோடு இருக்கிறார்......

by **அ.இராமநாதன்** Thu May 12, 2011 6:01 pm

முனிவர் ஒருவர் ஆசிரமம் ஒன்றை நிர்வகித்து வந்தார்.
மிகப் பழமையான ஆசிரமம் அது. ஆனால் கொஞ்ச காலமாய்
ஆசிரமம் பொலிவிழக்கத் துவங்கியதை உணர்ந்தார் முனிவர்.
காரணம், சீடர்களுக்குள் ஒற்றுமை இல்லை.
-
தனது நண்பரை வட நாட்டிலிருந்து வரவழைத்தார். அந்த முனிவர்
ஆசிரமம் சீர் குலைந்து விடுவதை தடுக்க அத்தனை சீடர்களையும்
அழைத்து ஒரு சொற்பொழிவு ஆற்றினார்.
-
‘‘இந்த ஆசிரமம் பற்றி ரகசியம் ஒன்றை நான் சொல்லப் போகிறேன்.
அதைச் சொல்வதற்காகத்தான் கயிலையிலிருந்து இங்கே நான்
வந்திருக்கிறேன். கடவுள் சிவ பெருமான் , கயிலையில் என்னிடம்
அசரீரியாகப் பேசினார். அவர் சொன்னது இதுதான். இந்த ஆசிரமத்தில்
இருக்கும் நூற்றுக்கணக்கான சீடர்களில் ஒருவராக மனித உருவில்
தானும் இருப்பதாகச் சிவபெருமான் என்னிடம் கூறினார். அந்த அற்புத
தகவலைச் சொல்வதற்காகவே நான் இங்கே வந்தேன்.சிவனாக
இங்கேயிருக்கும் சீடர் யார் என்பது எனக்குத் தெரியவில்லை. அந்த சக்தி
என்னிடம் இல்லை. அதனால் பொதுவாக அத்தனை சீடர்களையும் நான்
வணங்குகிறேன்.’’ என்று கண்களில் நீர் கசிய கை கூப்பினார் வடநாட்டு
முனிவர்.
-
மறுநாளிலேயே ஆசிரமத்தில் மாற்றம் தெரிந்தது. சீடர்கள் தங்களுக்குள்
இருந்த சச்சரவை மூட்டை கட்டி வீசினார்கள். ஒவ்வொருவரும் மற்றவரை
மரியாதையாகப் பார்த்தார்கள். மற்றவரின் திறமையை மதித்தார்கள்.
இதில் யார் சிவபெருமான் என்று சரியாகத் தெரியாததால் அனைவரையும்
அன்புடன் நோக்கினார்கள். பணிவுடன் நடந்து கொண்டார்கள்.
-
ஆசிரமத்தின் சங்கடங்கள் தீர்ந்தன. மீண்டும் ஆசிரமத்தின் புகழ் பரவத்
துவங்கியது.
-
இந்தக் கதையின் நீதி;-

நம்மைச் சுற்றியும் எத்தனையோ பேர் இருக்கிறார்கள். கடவுள் மனித
உருவத்தில் வருபவர் என்பதால், நம்மைச் சுற்றியுள்ளவர்களில் ஒருவராக
கடவுளும் இருக்கக் கூடும் என்பதை உணருங்கள். அனைவரையும் அன்புடனும்
மரியாதையுடனும் நடத்துங்கள்.
-
நீங்கள் கடவுளைக் கண்டுபிடிக்கிறீர்களோ இல்லையோ, மற்றவர்கள்
உங்களை மதிப்புடன் ஒரு கடவுள் போன்று நடத்துவதை உணர்வீர்கள்.
உங்களைச் சுற்றி அன்பு மயமாவதைப் புரிந்து கொள்வீர்கள்.
இது நிச்சயம்.

செய்து பார்க்கிறீர்களா மனிதக் கடவுளே!
-
============================================================
ஆன்மீகம் - என்ற வலையில் படித்தது (பகிர்தலுக்காக)

by mravikrishna1 Tue Jun 21, 2011 10:25 pm

எங்கெல்லாமோ தேடி என்னுள்ளே நீ மறைந்திருப்பதை உணர்ந்து கொண்டேன் இறைவா என்று ஒரு சித்தர் பாடி யிருக்கிறார். மனிதன் மனிதனை மதிக்கும்போது நிறை குறைகளை தவிர்க்கும் podhu கண்களில் கனிவும் பேச்சில் கனிவும் உள்ளத்தில் கருணையும் செயலில் உண்மையும் எண்ணத்தில் இறை நினைபும் எந்த வகையிலும் யாருக்கும் பாதிப்பு உருவாக்காத மனிதனாக தன் vazhi தனி வழி என்று வாழ்பவன் இறைவனாக மனிதர்களால் பார்க்கப்படுகிறான்.

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கடவுள் நம்மோடு இருக்கிறார்......

கடவுள் நம்மோடு இருக்கிறார்......

Re: கடவுள் நம்மோடு இருக்கிறார்......

Re: கடவுள் நம்மோடு இருக்கிறார்......

Re: கடவுள் நம்மோடு இருக்கிறார்......