தந்தையே ! ஏன் என்னை கைவிட்டாய்.?

by Michael Remance Wed May 18, 2011 12:21 am

போதுமடா அப்பா.
என்னை விட்டு விடுங்கள் .
மீண்டும் மீண்டும் - என்னை
உயிர்க்க-வைக்க வேண்டாம்.
வார்த்தைகளின் வலிமைகளை விடவும்
மரண - மௌனத்தின் பலவீனங்கள் தான்
எனக்கு மிகவும்
பிடித்திருக்கிறது.
$ $ $

ஒருமுறை தானே - நான்
சிலுவையில் அறையப்பட்டேன் .
சதா நேரமும் என்னைச்
சிலுவையில் தொங்கவிட்டு பார்க்கிறார்களே!
எனை வணங்கும்
அன்பு மக்காள் !
கடவுளின் வார்த்தைகள்
உங்கள் மனச்சட்சிக்குள்
சிக்கிக் கிடக்கின்றன .
தேடி எடுங்கள்.
சதா சிலுவையில் தொங்கும் - என்னை
தயவு செய்து
இறக்கிவிடுங்கள்.
$ $ $

நீங்கள் தானே
என்னைச் சுற்றி சுற்றி வந்து என்
மனட்சாட்சியின் முன் அமர்ந்தீர்கள்.
கடவுளின் வார்த்தைகளை அங்கிருந்துதானே
தேடித்தந்தேன்.
மனட்சாட்சிகள் உங்களுக்குள் இல்லையா?
தேடி எடுத்துக்கொள்ளுங்களேன்.
என்னை மட்டும் ஏன்
சிலுவை சுமப்பதற்க்காய்
கைகழுவி விட்டீர்கள்.
$ $ $
நம் பாவத்தை
நாமே தானே சுமக்கவேண்டும்.
மரத்தின் பாரத்திற்கும்,
மக்களின் பாவத்திற்கும்
மனிதமே ! - ஏன்
முடிச்சுப் போடுகிறாய்.?
"உங்களில் பாவம் செய்யாதவன் முதலில் கல் எறியட்டும்"
என்று சொன்ன நானும் தானே
முடிவு வரைக்கும் கல் எறியாதிருந்தேன்.
$ $ $

எல்லோரும்தானே
கடவுளிடம் இருந்து வந்தவர்கள்.
எனக்கு மட்டும் ஏன் "ஜேசு" என்று
பெயர் சூட்டி ,
தர தரவென இழுத்துப்போய்
சிலுவையில் தொங்க விட்டீர்கள் .
தந்தையே ( கடவுளே ) ! ! !
எல்லா குழந்தைகளும்
உன் குழந்தைகளென்றால்
என்னை மட்டும்
ஏன்
கைவிட்டாய். ? ? ?[img][/img]