கேள்வி கேளாத கீழ்ப்படிதல்

by **அ.இராமநாதன்** Mon May 23, 2011 1:02 pm

ஒவ்வொரு நாட்டிலும் ஒவ்வொரு பழக்கம். ஒவ்வோர் இனத்திற்கும் ஒரு குணம். அமெரிக்காவில் கீழ்ப்படிதல் வரவேற்கப்படுகிற எதிர்பார்க்கப்படுகிற குணம்தான் என்றாலும் எதிர்த்து நிற்பவர்களை, எதிர்த்துப் பேசுகிறவர்களை அடியோடு வெறுத்து ஒதுக்கலாம். அவர்களின் சொற்களில் செயல்களில் நியாயம் இருக்கிறது என்றால் எற்றுக்கொள்வார்கள்.
-
சீனாவில் அப்படி அல்ல. கேள்வி கேளாத கீழ்ப்படிதலே இங்கு எதிர்பார்க்கப்படுகிறது. இங்கு நாட்டாமைகள் அதிகம். இவர்கள் வைத்ததுதான் சட்டம். எதிர்த்துப் பேசினால் மறுத்து விளக்கமளித்தால் அவர்களது நிலைமை அந்தோ பரிதாபம்தான்.
-
கேள்வி கேளாத கீழ்ப்படிதலை ஒரு தலைமுறைக்கு முன்புவரை நம் இந்தியச் சமுதாயமே எதிர்பார்த்தது. ஆனால் இப்போது பரவாயில்லை.
-
தலைமைகளின் செயல்பாடுகளில் எப்படியும் குறைகள் கண்டுபிடிக்கக்கூடும் என்றாலும் தலைமைக்குப் பரிந்து பேசுவதற்கு சிலருக்காவது அவரது செயல்களில் உள்ள நியாயங்கள் புரியவேண்டும்.
-
“அவர் நிலைமையில் இருக்கிற யாராக இருந்தாலும் இந்த முடிவுக்குத்தான் வருவாங்க” என்கிற பொது நியாயம் கற்பிக்கப்படவும் இடமிருக்கவேண்டும்.
-
வேண்டியவர்கள் வேண்டாதவர்கள் என்கிற பாகுபாட்டின் அடிப்படையில் ஒரு செயல் நிகழ்த்தப்படாமல் தகுதிகளின் பின்புலன்களின் அடிப்படையில் காரியங்கள் நிகழ்த்தப் பெறவேண்டும்.
-
கைசுத்தம், சொல் சுத்தம் சந்தேகமில்லாமல் வேண்டும்.
-
இவையெல்லாம் இருக்கிற ‘தலை’கள் கிடைப்பது கடினம். எனவே இப்பதவிக்குத் தள்ளப்பட்டவர்கள், நிர்ப்பந்திக்கப்பட்டவர்கள், வேறு வழியின்றி அமர்ந்தவர்கள், இதனை ஆசைப்பட்டு அமர்ந்தவர்கள் இந்தப் பதவிக்காவது மரியாதை தந்து இத்தகுதிகளை வளர்த்துக்கொள்ளவேண்டும்.
-
பதவிக்கு ஆசைப்படாதீர்கள். ஆசைப்பட்டுவிட்டால் இத்தகுதிகளை அடைந்துவிடவேண்டும் என்றாவது ஆசைப்படுங்கள்!
-
===============================================
>லேனா
(ஒரு பக்கக் கட்டுரைகள்)

//பதவிக்கு ஆசைப்படாதீர்கள். ஆசைப்பட்டுவிட்டால் இத்தகுதிகளை அடைந்துவிடவேண்டும் என்றாவது ஆசைப்படுங்கள்//

கேள்வி கேளாத கீழ்ப்படிதல் 64660

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கேள்வி கேளாத கீழ்ப்படிதல்

கேள்வி கேளாத கீழ்ப்படிதல்

Re: கேள்வி கேளாத கீழ்ப்படிதல்