வீதியில் அவள்

by **செய்தாலி** Wed Jun 01, 2011 2:51 pm

[You must be registered and logged in to see this image.]

நித்தம் மது குடித்து
சுயம் இழந்த தகப்பன்

சீக்கு பிடித்து மூலையில்
நேற்றுவரை உழைத்த தாய்

உடுக்க நல்ல துணியில்லை
பள்ளி உறவைமுறித்து தம்பிகள்

நித்த பசிக்கு திண்டாட்டம்
வறுமை வேலிக்குள் வீடு

தலைபிள்ளை பருவம் எய்தவள்
காலம் உடுத்திய அடையாளம்

குடும்ப வறுமையை துடைக்க
சமூக வீதியில் அவள்

நாலுவீட்டில் அடுப்பாங்கரை வேலை
நிரம்பியது உறவுகளின் வயிறு

வீதி பணி இடங்கள்
பருவம் கொத்தும் காமக்கழுகுகள்

மேலாடை பொத்தல் கிழிசல்கள்
மோப்பம் பிடிக்கும் செந்நாய்கள்

இருட்டறையில் ஆடை அவிழ்க்க
வறுமைக்கு விலைபேசும் செல்வந்தர்கள்

காம சங்கிலி அவிழ்த்து
சமூகத்தில் உலவும் உடல்திண்ணிகள்

வறுமையில் இளமை கொடியது
வீழ்ந்தால் படுகுழியாகும் தோல்வி

கோபத்தை ஆயுதாமாக ஏந்தி
வாழ்க்கைவீதியில் நெருப்பாய் அவள்

தோற்காமல் வீறுடன் இவள்
எங்கோ தோற்கும் பெண்மைகள்