கோடை கால ஆற்றங்ககரையில்...

by **அ.இராமநாதன்** Thu Jun 02, 2011 12:33 pm

-
கோடை கால ஆற்றங்கரையில்
-
கூழாங்கற்கள் நிறைந்து கிடக்கும்
ஆற்றுப் படுகையில்
பறவைகள் அமர்ந்திருக்கிற
மாலை வேளையில்
சந்தித்துக் கொள்கிறோம்
-
மீன்களுக்கென பறவைகளும்
புழுக்களுக்கென மீன்களும்
காத்திருக்கையில்
கூழாங்கற்ளோடு
விளையாடிக் கொண்டிருக்கிறேன்.
-
பாசிகள் மிதக்கும்
நீர்ச்சுழலை விளக்கியபடி
மீன்கள்
நீந்துகின்றன்
பறவைகள் பறக்கின்றன
-
நீ விலகிச் செல்கிறாய்
என் சொல்லையோ
அல்லது
என்னையோ எடுத்துக் கொண்டு
உன் நிழலை என் நிலத்தில்
விட்டுவிட்டு..!
-
=========================================
>சக்திஜோதி
நன்றி: குமுதம் சிநேகிதி, ஏப்ரல் 16-30, 2011