விழிப்புணர்வு கவிதைகள் - வகுப்பறை

by sathyaseelan Sat Jun 04, 2011 8:41 pm

[You must be registered and logged in to see this link.]

கரியைத் தோற்கடிக்கும்
கருமை கொண்ட
கரும்பலகை

பாலை மிஞ்சிவிடும்
வெண்மையைக் கொண்ட
சுண்ணாம்புக்கட்டி

கருப்பரும் வெள்ளையரும்
இணைந்தால் தான் அழகு பெறும்
உலகம் அழகு பெறும்
என்பதை உணர்த்தும் இவையிரண்டும்

அடுக்குகள் மாறாமல்
அழகாய் அடுக்கப்பட்டிருக்கும்
மரப்பலகைகள்

அவ்வப்போது தென்றலோடு கலந்துவரும்
ஆசிரியரின் தாலாட்டு

விழிக்க மனம் நினைத்தாலும்
ஒற்றுக் கொள்ளாமல்
போராட்டம் நடத்தும் இமைகள்

ஆசிரியரின் வார்த்தைகளை
அவரை விடவும்
அழகாய் உச்சரிக்கும் என் நண்பர்கள்

நேற்று பார்த்த
திரைப்படங்கள், விளையாட்டு நிகழ்சிகள், பாடல்கள்
மறுஒளிபரப்பு செய்யப்படும்
எங்கள் வகுப்பு அலைவரிசையில்...

உலகப்போர் எங்கள் வகுப்பிலும்
சுண்ணாம்புக் குண்டுகளோடு.

அர்ச்சுனனின் அம்புகளுக்கு இணையான
அம்புகளாய் - என் நண்பர்கள்
விடுப்புமணி அடித்தவுடன்

எல்லோரும் சென்ற பின்பு
ஏக்கத்துடன் ஏங்கியிருக்கும் ஒரு ஜீவன்
அது வேறு யாருமல்ல - எனது
வகுப்பறை தான் !