ஓடும் குதிரையும் உன்னத இசையும்

by **அ.இராமநாதன்** Thu Jun 09, 2011 2:24 pm

--
குதிரை!
அது ஓடுவதானாலும் சரி, நடப்பதானாலும் சரி... அதன் காலடிகளிலிருந்து
எழுகின்ற குளம்பொலிச் சத்தம் சங்கீதம் போன்றதே!
-
எத்தனை வயதானாலும், திரைப்படங்களில் அந்த ஒலியை ரசிக்க
முடிகின்றது. குழந்தைகளுடன் விளையாடும்போது குதூகலத்திற்காகக்
குதிரையின் ஓட்டம் போன்ற ஒலியை எழுப்பினால் களை கட்டுகின்றது,
களைப்பு விலகுகின்றது.
-
அப்படியொரு அற்புத லயம் குதிரையின் குளம்பொலியில் உண்டாகின்றது.
ஒன்றுபட்ட லயத்துக்குக் குதிரையின் குளம்பொலியை உதாரணமாகக் கூறலாம்.
குதிரைச் சவாரி செய்பவர்களுக்கு இந்த லயம் பலவித நலங்களைத்
தருகின்றது. பீயா வோஹ்ரா என்னும் பெண்மணி தமது
வாடிக்கையாளர்களுக்குக் கற்றுத் தரும் குதிரை ஏற்றப் பயிற்சிகளில்
இது புலனாகின்றது.
-
வோஹ்ரா அவர்களுக்குச் சிறுமிப் பருவக் காலம் முதல் கொண்டே குதிரைச்
சவாரியில் ஆர்வம் இருந்தது. இதில் அதிசயம் இல்லை. ஏனெனில் அவர்
ஒரு இராணுவ வீரர் குடும்பத்தில் தோன்றியவர். இந்த ஆர்வம் பிற்காலத்தில்
தொழிலாகிவிட்டது.
-
1985ல் அவர் இங்கிலாந்திலுள்ள ஷ்ராப்ஷைர் நகரத்திற்குப் பயிற்சி பெறச்
சென்றார். தாய்நாட்டுக்குத் திரும்பியவுடன் அவர் தனக்கே சொந்தமான
ஒரு குதிரைச் சவாரிப் பயிற்சிப் பள்ளியைத் துவங்கினார். பிறகு ஏழு
மாதங்களில் 16 குதிரைகளையும், 96 வாடிக்கையாளர்களையும் சேர்த்து
அந்த நிறுவனத்தை வளர்த்தார்.
-
இப்போது அவரிடம் 40 குதிரைகள் உள்ளன. 200 வாடிக்கையாளர்கள்,
அதாவது பயிற்சி பெறும் மாணவர்கள் உள்ளனர். குதிரைகளைக் கவனித்துக்
கொள்ள ஊழியர்களும் இருக்கின்றார்கள். நாய்களும் சில இருக்கின்றன.
அந்தக் குதிரைகள் எங்கள் வளர்ந்த குடும்பத்தின் பகுதிகள் என்றார் வோஹ்ரா.
-
அவரிடம் பயிற்சி பெறும் மாணவர்களில் பலர் இந்த குதிரைச் சவாரியை
உடல், உள்ள நலம் தரும் மருத்துவமாகவே கருதுகின்றனர்.
-
மெய்தான். லயம் (சீர்) தவறுவதே உடல் உள்ளம் இரண்டும் நோய்வாய்ப்படக்
காரணம்.
இந்த லயத்தை இசையாலும் மீட்கலாம்.
-
சீரான குதிரைத் துள்ளலில் ஒன்றுபடும் பயணத்தினாலும் மீட்கலாம்.
கவிதையையும், இசையையும் போல குதிரையும் துள்ளல் நடை
கொண்டதுதானே.
-
==============================
- பல்லவ சூரியன்
நன்றி: மஞ்சரி