காரதோசை செய்வது எப்படி?

by **அ.இராமநாதன்** Fri Jun 17, 2011 1:39 pm

தேவையான பொருட்கள்:
-
பச்சரிசி: அரை கப்,
துவரம்பருப்பு: கால் கப்,
தேங்காய்: அரைமுடி,
மிளகாய் 4,
சீரகம் அரை தேக்கரண்டி,
மிளகு10,
உப்பு: அரை தேக்கரண்டி,
பெருங்காயம் சிறு துண்டு,
மல்லித்தழை, கறிவேப்பிலை சிறிது.
-
செய்முறை:
-
அரிசி, பருப்பு இரண்டையும் அரை மணி நேரம் ஊற
வைக்கவும். இதனுடன் மேலே கொடுத்துள்ள அனைத்து
பொருட்களையும் சேர்த்து சிறிய ரவை பதத்துக்கு அரைத்துக்
கொள்ளவும்.
-
எண்ணெயில் கடுகு தாளித்து, அரைத்து வைத்துள்ள மாவில் கொட்டி
கலக்கவும். தேவையெனில் சிறிது தண்ணீர் சேர்த்து கலக்கிக் கொள்ளவும்.
தோசை கல்லில் மாவை ஊற்றி தோசை வார்க்கவும்.
-
மாவு மீந்து விட்டால், அடுத்த முறை தோசை ஊற்றும்போது மீந்த
மாவில் பொடியாக அரிந்த வெங்காயம், கறிவேப்பிலை, மல்லித்தழை
சேர்த்து தோசை வார்க்கவும்.
-
=====================================================
-அஞ்சலி
நன்றி தினமணிகதிர்