மலேசியாவில் எம்.ஜி.ஆர். சிலை: நடிகர் சத்யராஜ் திறந்து வைக்கிறார்

by **அரசன்** Wed Jun 22, 2011 2:28 pm

மலேசியாவில், தமிழகத்தின் மறைந்த முன்னாள் முதல்வர் எம்.ஜி.ஆருக்கு ஜூன் 25 ம் தேதி சிலை திறப்பு விழா நடத்தப்படுகிறது.

மலேசியாவின் பேரக் மாநிலம் உலுசபெத்தாங் என்ற இடத்தில் நிறுவப்படும் இந்தச் சிலையை நடிகர் சத்யராஜ் திறந்து வைக்கிறார். மலேசிய அமைச்சரவையில் அங்கம் வகிப்பவரும் பினாங்கு மாநிலத்தின் முன்னாள் முதல்வருமான கோ சூ கூன் தலைமை வகிக்கிறார்.

விழாவில் "இதயக்கனி' ஆசிரியர் எஸ்.விஜயனின் எம்.ஜி.ஆர். பற்றிய புகைப்படக் கண்காட்சியும் கலை நிகழ்ச்சிகளும் இடம்பெறுகின்றன. கண்காட்சியில் எம்.ஜி.ஆர். பயன்படுத்திய அரிய பொருள்கள் இடம்பெறுகின்றன.

மலேசியாவில் கோலாலம்பூரில் இந்தியாவைச் சேர்ந்த விவேகானந்தருக்கு மட்டுமே சிலை இருக்கிறது. இவரையடுத்து, இந்தியத் தலைவர் ஒருவருக்கு மலேசியாவில் சிலை நிறுவப்படும் பெருமை எம்.ஜி.ஆருக்குக் கிடைத்துள்ளது.

எம்.ஜி.ஆரின் இந்த ஐந்தரை அடி வெண்கலச் சிலை கும்பகோணத்தில் உருவாக்கப்பட்டது. சரவணன் ஸ்தபதி, கணேஷ் ஸ்தபதி ஆகியோர் இந்தச் சிலையை உருவாக்கியுள்ளனர்.

ஜூன் 25 ம் தேதி மாலை 6 மணிக்கு நடைபெறும் இந்தச் சிலை திறப்பு விழாவில் திரைப்பட நடிகர்கள் மயில்சாமி, வின்சென்ட் அசோகன், எம்.ஜி.ஆர். நற்பணி அமைப்பின் தலைவர் தாமோதரன் ஆகியோருடன் ஏராளமான எம்.ஜி.ஆர். ரசிகர்களும் கலந்துகொள்கிறார்கள்.

நன்றி : நக்கீரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மலேசியாவில் எம்.ஜி.ஆர். சிலை: நடிகர் சத்யராஜ் திறந்து வைக்கிறார்

மலேசியாவில் எம்.ஜி.ஆர். சிலை: நடிகர் சத்யராஜ் திறந்து வைக்கிறார்