நம்மை காக்கும் நாராயணனின் ஆலயங்களில் நவ கிரகங்கள் இல்லை. தற்பொழுது சிவாலயங்களில், முருகர், விநாயகர், சக்தி (அம்மன்) ஆலயங்களில் நவகிரக விக்கிரங்கள் உள்ளன. ஆனால், ஆரம்ப கால கட்டங்களில் நவ கிரக விக்கிரகங்கள் இல்லை. மன்னர் காலத்தில் நிர்மாணித்திருக்கலாம். ஆராய்ச்சி தேவையற்றதால், நாம் விஷயத்திர்க்கு செல்வோம்.
கிரகங்கள் நம்மை ஆட்சி செய்கிறதா? இறைவன் ஆட்சி செய்கிறானா? என்ற வினாவிர்க்கு விடை கிரகங்கள் தாம் நம்மை ஆட்சி செய்கின்றன. நாம் அறிந்தும் அறியாமலும், தெரிந்தும் தெரியாமலும் செய்த பாவங்கள், பஞ்சமகா பாவங்கள், கர்ம வினைகள் , புண்ணிய காரியங்களுக்கு ஏற்ப ஒவ்வொரு செயலையும் புண்ணிய நற்பலனாகவோ, கொடுமைகள் அனுபவிக்கும்படியான தண்டனைகளாகவோ நாம் செய்தவற்றையே திருப்பி நமக்கே அளிக்கின்றனர். ஒவ்வொரு வினைக்கும் எதிர் வினை உண்டு என்பதை உணர வேண்டும்.
பிறந்த நேரத்தைக் கொண்டு கணிக்கும் ஜாதக பலாபலன்களை 40 சதவீதமே உணர இயலும். 30 சதவீதங்களை மனிதன் உணராதபடிக்கு கிரகங்கள் தம் கைவசம் வைத்துள்ளன. 30 சதவீதம் இறை ரகசியமாக உள்ளன. அதனால் தான் ஜாதகம் கணிக்கும் ஜோதிடர்,சில விஷயங்கள் எப்படி ஏற்பட்டது என்ற காரணம் அறிய முடியாமல், எல்லாம் இறைவனுக்கே வெளிச்சம் என்று விட்டு விடுகின்றனர்.
நாம் கடந்த பிறவியில், எந்த தெய்வத்தின் மீது மிகுந்த ஈடுபாடு வைத்திருந்தோமோ, விட்ட குறை தொட்டகுறையாக, இப்பிறப்பிலும் நமக்கு தெய்வ பக்தி தானாகவே ஏற்படுகிறது. தெய்வத்தின் அநு கிரகம் இருந்தால் தான், கிரகம் வழிவிட்டு, மேற்கொண்டு நம்மை தெய்வீக பாதையில் செல்லும்படியான மனநிலை, சந்தர்ப்ப சூழ்நிலை, காலம் கனிதல் , ஏற்படும். பசித்திருப்பனுக்கு தான் பசியின் அருமை தெரியும். கொடுமைகளை அனுபவித்து, நொந்து போய் நன்மை கிடைப்பவன், தெய்வத்தின் அருமை உணர்ந்தவனே தெய்வீக பாதைக்கு செல்வான். அவனிடம் ஒரு போதும் கர்வம், தான் என்ற அகங்காரம், ஆணவம்,கொள்ள மாட்டார்கள். அடுத்தவருக்கு தீமை, சாபம் இடுதல் என்கிற தீய செயல் செய்யவே மாட்டார்கள். பொய்யான, போலியான பதவி, புகழ்ச்சிகளுக்கு, முகஸ்துதிகளுக்கு அடிமை ஆகமாட்டார்கள்.

அமர்ந்த நிலையில் நவகிரகங்கள்
-
விநாயகரிடம் நவகிரகங்களின் எந்த செயல்பாடும் செல்லாது.
எனவேதான் பிள்ளையார்பட்டி கோயிலில் நவகிரகங்கள் அமர்ந்த
நிலையில் உள்ளன.
-
இங்கு வேண்டிக்கொண்டால் நவகிரகங்களின் பிடியில் இருந்து தப்பித்துக் கொள்ளலாம்.

எத்தனை நாளைக்கு.....அல்லது எவ்வளவு காலம்......? விநாயகப் பெருமான் கேது கிரகத்திர்க்கு மட்டுமே அதிபதி. மற்ற கிரகங்கள் தன் பணி செய்யும்போது குறுக்கிடுவதில்லை. குறைக்க வேண்டுமானால் பரிந்துரைக்கலாம். அவ்வளவே... தப்பிக்க இயலாது. செய்த வினையை அனுபவித்தே தான் ஆகவேண்டும். நன்றி.