சுதந்திரம்

by **சரவணன்** Fri Jul 08, 2011 8:59 pm

சுதந்திரமே! - நீ யாருக்கு
சுதந்திரம் தந்தாய்?
தேச மக்களுக்கு
சுதந்திரம் தந்தாயா?
தேசத்தை சுரண்டும்
மக்களுக்கு
சுதந்திரம் தந்தாயா?
அடிமைப் பட்டிருந்தபோது
அமைதி இருந்தது.
அமைதியாய் உன்னை
அனுபவிதுக்கொண்டிருக்கும்போது
அடிமைத் தனத்தில்
அழுதுக்கொண்டிருக்கிறோம்!
அன்னியரை விரட்டியடித்து
ஆனந்தம் பெற்றோம்.
ஆனால் - அன்னியராய்
இந்தியப் பிரஜைகளை
இழிவுப்படுத்தும்
இன ஆதிக்கம்
கொண்டோரிடமிருந்து
விடுதலைப் பெறவேயில்லை!
சர்வாதிகாரம்,சுரண்டல், ஊழல்,
சூழ்ச்சி,லஞ்சம், வஞ்சம், கொலை,
கொள்ளை, - இன்னும்பல
அந்நியர்களிடம்
அன்னைபூமி
அடிமைப்பட்டிருக்கிறது.
அமைதியாய் வாழ
காலம் கணிக்கவில்லை
காலம் கனியவில்லை.
திருடர்கள்
முன்னேறும்
கம்சன் இனம் உள்ளவரை
கலக்கங்கள் கலைவதேயில்லை.
அறுபது ஆண்டுகள் நீ
அடைந்தாலும்
பெறுவது நாங்கள்
புலம்பல்களே.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சுதந்திரம்

சுதந்திரம்

Re: சுதந்திரம்