இவர்கள் பொய்யர்கள்

by **செய்தாலி** Tue Jul 19, 2011 2:51 pm

[You must be registered and logged in to see this image.]

அண்டம் ஆளும் கடவுள்
பெயர்களில் தொடரும் தர்கங்கள்
இறையியல் அறிவு அற்றவர்கள்

தரணியில் மிகச் சிறந்தவள்
எழுகிறது ஏதோவொரு பெயர்
ஈன்ற தாயின் உன்னதமறியாதவர்கள்

அவள்தான் கற்பில் தூயவள்
துளியும் வெட்கமின்றி தலைவன்
தலைவியின் கற்பில் நம்பிக்கையற்றவர்கள்

அவர்களின் வழியில் நாங்கள்
சுய குருநாதர் சுட்டிக்காட்டல்
கற்றுத்தந்த மாதபிதாக்களை மறந்தவர்கள்

தலைவன் நண்பன் பகைவன்
பிற அடையாளங்கள் தேடல்
தன்சுயம் அறிய முயலாதவர்கள்

தன்னை அறியாத அவர்களை
அகத்தில் உயர்த்தும் மனிதர்கள்
புறந்தள்ளப்படும் சுயமறிந்த உறவுகள்

வாழ்க்கை சார்ந்த வினாக்கள்
விடைகளில் தடுமாறும் மனிதர்கள்
புகழ்ச்சிக்குள் சுயத்தை ஒளிப்பவர்கள்

by **அ.இராமநாதன்** Tue Jul 19, 2011 7:38 pm

[You must be registered and logged in to see this image.]
-
தற்கங்கள் என்பது தர்க்கங்கள் என இருக்க வேண்டும்..
-
உன்னதமரியாதவர்கள் எனப்து உன்னதமறியாதவர்கள் என இருக்க வேண்டும்
-
==========
கவிதை நல்லா இருக்கு...