வேலை..

by **அ.இராமநாதன்** Sun Jul 31, 2011 8:22 am

அழுக்கேறிய பேண்ட், கிழிந்த சட்டை, பரட்டைத் தலை,
நீண்ட தாடி என்று பார்க்கவே அருவருப்பாக
இருந்தவனை காரில் உட்கார்ந்தபடியே உற்றுப்
பார்த்துக்கொண்டிருந்தான் மனோகர்.
-
காரின் அருகில் வந்து நின்றவனுக்கு ஐம்பது ரூபாய்
நோட்டை எடுத்து அவனுக்கு கொடுக்கும்படி தன்
டிரைவரிடம் கொடுத்தான்.
-
டிரைவர் கொடுத்த ரூபாய் நோட்டை வாங்கியவன்
அதில் சில வாசகங்கள் எழுதி டிரைவரிடம் திருப்பிக்
கொடுத்தான். ஆச்சரியத்துடன் வாங்கிய டிரைவர்
அதை மனோகரிடம் கொடுத்தான்.
-
அதில், “நான் தமிழ் இலக்கியத்தில் பட்டம் பெற்ற
பட்டதாரி. எனக்கொரு வேலை தாருங்கள்’ என்று
எழுதியிருந்ததைப் படித்த மனோகர் கனத்த
மனதோடு தன் விசிட்டிங் கார்டை கொடுத்து ஆபிசில்
வந்து பார்க்கும்படி கூறினார்.
-
பைத்தியக்காரனுக்கு வேலை கொடுக்கப் போகும்
முதலாளியை நினைத்து சிரித்தான் டிரைவர். தாடிக்கார
தமிழ்ப் பட்டதாரியும், தன் முதலாளியும் ஒன்றாகப்
படித்தவர்கள் என்பதை அறியாமல்!
-
========================================

- கே.எஸ். சம்பத்குமார்
நன்றி: குமுதம்

by **கவியருவி ம. ரமேஷ்** Sun Jul 31, 2011 9:34 am

“நான் தமிழ் இலக்கியத்தில் பட்டம் பெற்ற
பட்டதாரி. எனக்கொரு வேலை தாருங்கள்’

-சற்று ஏறத்தாழ இப்படித் தான் இருக்கிறது தமிழ் நாட்டிலேயே தமிழ்ப் படித்தவனின் நிலைமை. என்ன செய்வது... தமிழில் படித்தவனுக்கு வேலைவாய்ப்பில் முன்னுரிமை அளிக்கப்படும் என்கிறார்கள்.. தமிழே படித்தவனுக்கு?

by **அ.இராமநாதன்** Sun Jul 31, 2011 3:48 pm

தமிழ் படித்த ஓர் ஆசிரியர் வெறும் ரெண்டாயிரம் மட்டுமே
சம்பளமாக வாங்க, கம்ப்யூட்டர் படித்து கால்சென்டரில்
வேலை பார்ப்பவன் இருபதாயிரம், முப்பதாயிரம் வாங்குவது
என்ன நியாயம்?
-

நியாயமில்லைதான்.

ஆனால்,

கண்டக்டர் வேலைக்கு லாயக்கில்லையென துரத்தப்பட்டவனுக்கு
இருபது கோடி

காலேஜை கட் அடித்து கஞ்சா குடித்துக் கொண்டிருந்தவன் ஏழு கோடி

கவரிங் கடையில் உட்கார்ந்து வளையல் போட்டவன் ஒரு கோடி

வாங்குவது கோடம்பாக்கத்தில்.
-
======================
இது ஒரு வலைப்பதிவரின் குமுறல்...