* கேட்கக் கேட்க இனிமை எது…?

by **அ.இராமநாதன்** Sat Aug 06, 2011 7:15 am

* கேட்கக் கேட்க இனிமை எது…?
- கல்யாணி சுந்தர்ராஜன், நவிமும்பை
-
ஒரு தாத்தா, தன் நான்கு வயது பேத்தியைப் பள்ளிக்கு விடச்
சென்றார். புத்தகப் பை, கையில் லஞ்சு கூடை, கழுத்தில்
வாட்டர் பாட்டில் என தூக்க மாட்டாமல் தூக்கிக்கொண்ட
நடக்கிறாள் சிறுமி.
-
“கண்ணு… அந்த லஞ்சு கூடையைத் தாத்தாகிட்ட குடும்மா!’
என்கிறார் தாத்தா.
-
“வேணாம் தாத்தா…! நீ கீழே போட்டுடுவே. நானே
எடுத்துக்கிட்டு வர்றேன்!’ என்று மறுக்கிறாள் குழந்தை.
-
“அம்மாடி… ஸ்கூல் பேகையாவது தாம்மா!’ என்று
கெஞ்சுகிறார் தாத்தா.
-
“பேக் வெயிட்டா இருக்கு தாத்தா வேணாம், நானே கொண்டு
வர்றேன்!’
-
தாத்தாவின் முகம் ரொம்பப் பாவமாக மாறியதைப்
பார்த்ததும் சிறுமிக்கு என்னத் தோன்றியதோ என்னவோ….,
“சரி தாத்தா! எல்லாத்தையும் நானே எடுத்துக்கிறேன்.
நீ என்னைத் தூக்கிக்க!’ என்று இரண்டு கைகளையும்
விரித்து அவர் முன் நிற்கவும், தாத்தா அப்படியே
அகமகிழ்ந்து போனாராம்.
-
கேட்கக் கேட்க இனிமை, தம் மக்கள் மழலைச்
சொல்தான்!
(அய்யன் வள்ளுவர் இரண்டு அடியில் ஜஸ்ட் லைக் தட்
சொன்னதை, அனுஷா நீ இவ்வளவு நீட்டி முழக்கணுமா?)
================================================
அன்பு வட்டம் - அனுஷா நடராஜன்
நன்றி: மங்கையர் மலர்