இங்கிலாந்தில் வசிப்பதாக பொய் சொல்லி
இலங்கையில் இருந்துகொண்டு உதவிப் பணம் பெற்ற ஒருவருக்கு 12 மாதச்
சிறைத்தண்டனை விதிக்கப்பட்டுள்ளது.

மேற்கு யோக்ஷயர், பிறட்ஃபோட்டின்
உள்ள இருமாடி வீட்டில் வசித்ததாகப் பொய் சொல்லி 3 வருடங்களிற்கு நகரசபை
உதவிப் பணத்தையும் அங்கவீனமுற்ற உதவித்தொகையையும் பெற்றுள்ளார்.

60
வயதான பிரையன் ரிலேக்கு 2001ஆம் ஆண்டு இவருக்கு இதய அறுவை சிகிச்சை
செய்யப்பட்டது. எனவே இவர் சட்டரீதியாக உதவிப்பணம் பெற்றுவந்தார். பின்னர்
2004 ஆம் ஆண்டு சுனாமியின்போது ஒரு தொண்டராக இலங்கைக்கு வந்தார்.

அதன்பின் 2007ஆம் ஆண்டு இலங்கையைச் சேர்ந்த பெண்ணையே திருமணம் செய்து இலங்கையிலேயே தங்கிவிட்டார்.

[You must be registered and logged in to see this image.]

இங்கிலாந்தில்
இருந்த தனது வீட்டை விற்ற அவர் அதனை தெரியப்படுத்தாமல் இங்கிலாந்தில்
இருப்பதாகக் கூறி உதவிப் பணத்தை பெற்று வந்துள்ளார்.

இந்த வழக்கு
விசாரணை 2008 ஆம் ஆண்டு ஆரம்பிக்கப்பட்டுள்ளது. இலங்கையில் ஆடம்பர வீட்டை
இவர் கொள்வனவு செய்துள்ளார் எனத் தெரிவிக்கப்படுகிறது.

இவரை எட்டு
மாதங்களுக்குப் பின்னர் கைது செய்தனர். அத்துடன் இவர் பெற்ற உதவித்
தொகையையும் திருப்பிச் செலுத்தும்படி நீதிமன்றம் உத்தரவிட்டது. இவரை
விடுவித்து இலங்கையில் உள்ள அவரது சொத்துக்களை விற்பதற்கு
அனுமதியளிக்கப்பட்டது.

[You must be registered and logged in to see this image.]

3
வருடங்களுக்குப் பின்னர் இந்த வாரம் நீதிமன்றிற்கு இவர் அழைக்கப்பட்டார்.
ஆனால் நீதிமன்றின் உத்தரவின்படி உதவிப்பணத்தை இதுவரை செலுத்தவில்லை.

இவரால்
சமர்ப்பிக்கப்பட்ட மேன்முறையீட்டு மனுவும் நீதிமன்றினால்
நிராகரிக்கப்பட்டது. இவருக்கு 12 மாத சிறைத்தண்டனை வழங்கி நேற்று
நீதிமன்றில் தீர்ப்பளிக்கப்பட்டது.