கொஞ்சம் சிரிக்கலாமா வாங்க

by **பட்டாம்பூச்சி** Fri Aug 26, 2011 3:39 pm

அப்போது அதிகாலை பத்துமணி. மைக்கல் மிக வேகமாக தனது அலுவலகத்தை நோக்கி
காரில் சென்றுகொண்டிருந்தார். அப்போது அவரின் மனைவியின் அவசர தொலைபேசி
அழைப்பு ஒன்று வந்தது. " என்ன விசயம் " கேட்டார் மைக்கல். " நீங்கள் போற
பாதை வழியாக ஒருவர் பக்கம் மாறி காரை செலுத்தி செல்வதை தற்போது ஐந்து
நிமிடமாக நேரடி ஒளிபரப்பில் தொலைக்காட்சியில் காட்டிக்கொண்டிருக்கிறார்கள.
எனவே அவதானமாக செல்லுங்கள்" என மனைவி கூறினார். அதனை அதுவரை செவிமடுத்த
மைக்கல் "ஓ ஒரு ஆளையா இவ்வளவு நேரமா காட்டுறான்கள். இங்கு என்னைத்தவிர
எல்லாரும் அப்படித்தான் போய்க்கொண்டிருக்கிறான்கள்" என்றார்.

by **பட்டாம்பூச்சி** Fri Aug 26, 2011 3:40 pm

தீயன்னா என்பவர் பெரிய தொழிலதிபர். அவருக்கு பல்வேறு இடங்களுக்கு செல்ல
வேண்டிய தேவைகள் இருந்தபோதும் விமானங்களில் பயணம் செய்வதை விரும்பமாட்டார்.
அதற்கான காரணம் தான் சுவாரசியமானது. அவர் சர்வதேச விமான போக்குவரத்துகள்
சம்பந்தமான புள்ளிவிபரம் ஒன்றே அவர் அவ்வாறு விமான பயணங்களை தவிர்த்து வேறு
போக்குவரத்துகளையே பயன்படுத்துவதற்கான காரணம் ஆகும். அதாவது பத்தாயிரம்
விமானங்களை எடுத்துக்கொண்டால் அதில் ஒரு விமானத்தில் குண்டுகள்
இருப்பதற்கான சாத்தியம் இருக்கிறது என்பதே அப்புள்ளிவிபரம்.

எனவே பத்தாயிரத்தில் ஒரு விமானமாக தன்னுடைய விமானம் இருந்து விடும் என்பதே அவரது விமானப்பயணத்தவிர்ப்புக்கு காரணம்.

ஆனால் அன்றைய தினம் தனது அவசர கூட்டத்துக்கு விமானத்திலேயே அவர்
ஆச்சரியப்படத்தக்க வகையில் வந்திருந்தார். எனவே எல்லோரும் அதற்கான காரணத்தை
அறிய ஆவலாக இருந்தனர்.அதற்கு பதில் அளித்த அவர்" குறிப்பிட்ட
புள்ளிவிபரப்படி ஒரு குண்டு இருப்பதற்கான சாத்தியம் 10000 இல் 1. இரண்டு
குண்டுகள் இருப்பதற்கான சாத்தியம் 100000000 இல் 1. அதனால் ஒரு குண்டை நான்
வரும்போதே கொண்டுவந்தேன். "

(அடுத்த குண்டை வைப்பதற்கான சாத்தியம் 100000000 இல் ஒன்று அல்லவா.

ஆனால்ஒரு சந்தேகம்.கணிதப்புள்ளிமான்களே இது கணித ரீதியாக சரியா?)