ராடனுக்கு கைமாறிய மங்காத்தா!

[You must be registered and logged in to see this image.]

கடந்த ஒன்றரை வருடங்களாக தயாராகி வரும் 'மங்காத்தா' திரைப்படம் ஒருவழியாக வரும் ஆகஸ்ட் 31 அன்று திரைக்கு வர இருக்கிறது.

படப்பிடிப்பு, பாடல் வெளியீடு போன்றவற்றில்தான் பிரச்சினை என்றால், படத்தினை விநியோகிப்பதிலும் பிரச்சினை ஏற்பட்டுள்ளது.

இப்படத்தினை முதலில் கிளவுட் நைன் மூவிஸ் வெளியிடுவதாக இருந்தது. பிறகு
ஸ்டுடியோ கிரீன் நிறுவனம் வெளியிடுவதாக அறிவித்தார்கள். அதுவும்
மாற்றப்பட்டு சன் பிக்சர்ஸ் வசம் கொடுக்கப்பட்டது.

வெளிநாடுகளில் திரையிடும் உரிமையை ஐங்கரன் பிலிம்ஸ் இண்டர்நேஷனலிடம் விற்று விட்டார்கள்.

அஜித்தின் 50வது படமான 'மங்காத்தா' அமெரிக்காவில் மட்டும் 70
திரையரங்குகளில் வெளியாகிறது. அஜித்தின் படம் ஒன்று அமெரிக்காவில் இத்தனை
திரையரங்குகளில் வெளியாவது இதுவே முதல்முறை.

இந்தியாவில் வெளி மாநிலங்களில் திரையிடும் உரிமையை சன் பிக்சர்ஸிடம்
விற்று விட்டார்கள். தற்போது சன் பிக்சர்ஸிடமிருந்து, தமிழகம் முழுவதும்
'மங்காத்தா' படத்தை திரையிடும் உரிமையை, ராதிகா சரத்குமாரின் 'ராடன்'
நிறுவனம் வாங்கியிருக்கிறது.

அஜித் நடிக்கும் 50-வது படம் 'மங்காத்தா' என்பதால் இப்படத்திற்கு அதிக எதிர்பார்ப்பு உருவாகி இருக்கிறது.

அதுமட்டுமல்ல நீண்ட இடைவெளிக்குப் பிறகு வெளியாகும் 'மல்டி ஸ்டாரர்'
படம் என்பதால் ரசிகர்கள் மத்தியில் இந்தப் படத்துக்கு பெரும்
எதிர்ப்பார்ப்பு எழுந்துள்ளது.

படம் ஆகஸ்ட் 31-ம் தேதி வெளியாவது உறுதி என தயாரிப்பாளர் தயாநிதி அழகிரி
திரும்ப திரும்ப உறுதி கூறினாலும், இன்னும் நிச்சயமற்ற நிலைதான்
நிலவுகிறது.