சட்டசபையில் செருப்பு சண்டை

by **Mahiban** Tue Aug 30, 2011 7:04 pm

ராஜஸ்தான் சட்டசபையில் நேற்று பா.ஜனதா பெண் எம்.எல்.ஏ. பிரமிளா குண்டாரா பேசுகையில், காங்கிரஸ் எம்.எல்.ஏ. ரகுசர்மா மீது நில மோசடி குற்றச்சாட்டு சுமத்தினார். அதற்கு ரகுசர்மா சில கருத்துகளை தெரிவித்தபோது, கோபம் அடைந்த பா.ஜனதா எம்.எல்.ஏ.க்கள் சபையின் மையப்பகுதிக்கு சென்று அமளியில் ஈடுபட்டனர்.

அப்போது, பா.ஜனதா தரப்பில் இருந்து, ஆளும் காங்கிரஸ் எம்.எல்.ஏ.க்களை நோக்கி செருப்பு வீசப்பட்டது. ஆனால், அது அதிகாரிகள் கேலரி அருகே கீழே விழுந்தது.

சற்று நேரத்தில் காங்கிரஸ் எம்.எல்.ஏ. ரகுசர்மா தனது ஷூவை கழற்றி, பா.ஜனதா எம்.எல்.ஏ.க்களை நோக்கி வீசினார். இந்த களேபரத்தால், சபை அரை மணி நேரம் ஒத்திவைக்கப்பட்டது.

கீழே கிடந்த ஒரு செருப்பை காவலாளி எடுத்தபோது, அதை காங்கிரஸ் எம்.எல்.ஏ. ஒருவர் வாங்கிக்கொண்டு சபாநாயகர் அறைக்கு சென்றார். பா.ஜனதா தரப்பில் செருப்பு வீசியவர் யார் என்று தெரியவில்லை