இதயத்தில் ஹைக்கூ : இரா.இரவி
நூல் விமர்சனம் குகன்
பக்கம் பக்கமாக எழுதப்படும் கவிதைகளை விட பல சமயம் இரு வரி, மூன்று வரி
கவிதைகள் வாசகர் மனதில் பெரிய தாக்கத்தை ஏற்ப்படுத்துகிறது. அதில்
குறிப்பாக நல்ல ஹைக்கூ கவிதைகள் படித்த நிமிடங்களை விட நம் மனதில்
குடியிருக்கும் நிமிடங்கள் தான் அதிகமாக இருக்கும். உண்மையான கவிதைக்கு
அது தான் வெற்றியும் கூட. அப்படிப்பட்ட வெற்றி ஹைக்கூ கவிதைகளை எழுதி,
தொகுத்துள்ளார் கவிஞர் இரா.இரவி அவர்கள். இணையதளம் மூலம் இணையத்தில்
பரவலாக பேசப்படுபவர்.
கடலில் விளையாடும் சிறுவனுக்கு ஒரு அலையை விட இன்னொரு அலை எப்படி பெரிதாக
தெரியுமோ, இந்த நூலிம் இடம் பெற்று இருக்கும் கவிதை ஒன்றை விட ஒன்று
அதிகமாக அளவிடப்படுகிறது. சுனாமி, அரசியல்வாதி, ஈழம், குழந்தை தொழிலாளிகள்
இரா.ரவியை அதிகமாகவே பாதித்திருக்கிறது என்று நினைக்கிறேன். இந்த நூலில்
பல கவிதைகள் இந்த நான்கை சுற்றி தான் வலம் வருகிறது.

உண்மையிலும் உண்மை
எழுத்து இடமாற்றம்
நகரம் � நரகம்

இன்னும் சில கவிதைகள் இன்றைய அரசியல் நிலவரத்தை பகடி செய்வது போல் வடிவமைத்திருக்கிறார்.

இலவச கியாஸ், டிவி சரி
இலவச மணமகன்
எப்போது ?

தமிழகத்தில் நடக்கவிருக்கும் எல்லா தேர்தலுக்கு இந்த கவிதை பொருந்த போகிறது.

வரும் முன்பே
பரப்பரப்பாய் பேசப்பட்டது
பெரியார் படம் !

நடிகர்கள் அரசியல் வரக்கூடாது என்று சொல்லுபவர்கள், நடிகர்கள் நடித்த படத்தை வைத்து அரசியல் நடத்துவதை இந்த ஹைக்கூ காட்டுகிறது.

கௌரவம் இழந்தது
கௌரவா டாக்டர் பட்டம்
நடிகைக்கு வழங்கியதால்

பணத்திற்கு பட்டம் வழங்கிய பிறகு, வானத்தில் பறக்கும் பட்டத்திற்கும், இதற்கும் வித்தியாசம் இல்லாமல் போனதை எடுத்துரைக்கிறது.

ஊதிய உயர்வு
வறுமையில் வாடியதால்
சட்டமன்ற உறுப்பினர்களுக்கு

கேட்டவுடன் ஊதிய உயர்வு பெற்றக்குடியவர்கள் நம் சட்டமன்ற உறுப்பினர்களாக தான் இருப்பார்கள் என்று நினைக்கிறேன்.

ஒவ்வொரு ஹைக்கூ கவிதைக்கும் அழகான, மிகவும் பொருந்தக்கூடிய படங்களை போட்டு மிக அழகான புத்தகத்தை வடிவமைத்திருக்கிறார்.
சில இடங்களில் ஒரே கருத்தை வேறு வேறு வார்த்தைகளில் கவிதைகள் இடம்
பெற்றிருப்பதால், முதல் கவிதை ஏற்படுத்திய தாக்கம் இரண்டாவது கவிதை
ஏற்ப்படுத்தவில்லை.

ஹைக்கூ பிரியர்கள் வாசிக்க வேண்டிய நூல்.

சில இடங்களில் ஒரே கருத்தை வேறு வேறு வார்த்தைகளில் கவிதைகள் இடம்
பெற்றுயிருப்பதால், முதல் கவிதை ஏற்ப்படுத்திய தாக்கம் இரண்டாவது கவிதை ஏற்ப்படுத்தவில்லை.
---
இந்தப் பிரச்சினை கவிஞர்கள் அனைவருக்கும் இருக்கும் ஒரு குறைதான். ஒரு வகையான கவிதையையே தொடர்ந்து எழுதிக் கொண்டு வரும்போது(கவிதையிலேயே இயங்கிக் கொண்டிருக்கும்போது) வார்த்தைகளை மாற்றிப்போட்டு எழுதுவதைத் தவிர்க்க முடியாது. இதற்கு தமிழன்பன், வைரமுத்து, பா.விஜய், தபு சங்கர் முதலானோரும் எடுத்துக்காட்டுகளாகின்றனர். அப்படி இருந்தாலும் ஒரு வகையில் அந்தக் கவிதைகளை ஆழ்ந்து நோக்கினால் புதுப்பொருள் கண்டறியலாம் என்பது என் கருத்து.

-
பெற்றுயிருப்பதால், என்பது பெற்றிருப்பதால் என இருக்க வேண்டும்..
-
ஏற்ப்படுத்திய ..ஏற்படுத்திய என இருத்தல் நலம்..
-
கௌரவம் இழந்தது
கௌரவா டாக்டர் பட்டம்
நடிகைக்கு வழங்கியதால்..
-
பட்டம் பெற தகுதியான நடிகைகள் இருப்பதை மறுக்க முடியாது...

வழங்கப்பட்ட நடிகை கவர்ச்சி நடிகை மட்டுமே .சமூக அக்கறை இல்லாதவர் என்பதால் ஆதங்கம்

நன்றி
அன்புடன்
கவிஞர் இரா .இரவி

நல்லா இருக்குங்க

திருத்தம் செய்துள்ளேன்