கூர்மையாகச் சிந்திக்கத் தெரிந்த பெண்..!

by **அ.இராமநாதன்** Thu Sep 01, 2011 9:14 am

[color=blue]-
சங்கரன்பிள்ளை நெடுஞ்சாலையில் கார் ஓட்டிக்கொண்டு
இருந்தார் . ஒரு திருப்பத்தில் , எதிரில் வந்த காருடன்
அவருடைய கார் மிக மோசமாக மோதியது .
இரண்டு கார்களும் கவிழ்ந்தன .

சங்கரன் பிள்ளை தவழ்ந்து வெளியே வந்தார் . மோதிய
காரில் இருந்து ஓர் அழகான பெண் வெளியே தவழ்ந்து
வந்தாள் .

அவள் சண்டையிடப்போகிறாள் என்று சங்கரன் பிள்ளை
நினைத்திருக்க , அவள் புன்னகைத்தாள் . " நாம் சந்தித்து
இனிய நண்பர்களாக வேண்டும் என்பதற்காகக் கடவுள்
ஏற்பாடு செய்த விபத்து இது . இல்லை என்றால், கார்கள்
தகரமாக நசுங்கிய பின்னும், நாம் இருவர் மட்டும்
அடிபடாமல் எப்படித் தப்பித்திருப்போம் ?" என்றாள் .

அவளுடைய அழகு, சங்கரன் பிள்ளையை அசத்தியது
.
" உண்மைதான் " என்று இளித்தார் .

" இதைப் போன்ற சந்திப்புகளை கொண்டாடுவதற்காகவே
இதை என் பையில் வைத்திருப்பேன் " என்று அவள் தன்
கைப்பையில் இருந்து ஒரு ஒயின் பாட்டிலை எடுத்தாள் .
திறந்தாள் . சங்கரன் பிள்ளையிடம் நீட்டினாள் .

" உங்களுக்கு வேண்டியதை நீங்கள் அருந்திவிட்டு மிச்சத்தை
எனக்குத் தாருங்கள் " என்றாள் .

சங்கரன் பிள்ளைக்குப் பெருமை பிடிபடவில்லை . பாதி
பாட்டிலுக்கு மேல் காலி செய்துவிட்டு , அவளிடம் நீட்டினார் .

அவள் அதை வாங்கிக்கொண்டு, போனை எடுத்து டயல்
செய்தாள் .

" யாருக்கு போன் ?" என்றார் சங்கரன் பிள்ளை .

" போலீஸுக்கு !"

" எதற்கு ?"

" குடித்துவிட்டு வந்து என் கார் மீது மோதிய உங்களை
விசாரிப்பதற்கு " என்று சொல்லிவிட்டு அவள் அந்த ஒயின்
பாட்டிலை அவருடைய காருக்குள் எறிந்தாள்,
விபத்து நேர்ந்த நிலையிலும் கூர்மையாகச் சிந்திக்கத் தெரிந்த
அந்தப் பெண்.
=========================================
--- சத்குரு ஜக்கி வாசுதேவ் .
நன்றி: ஆனந்த விகடன் , 13. 01. 2010

[You must be registered and logged in to see this image.]

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கூர்மையாகச் சிந்திக்கத் தெரிந்த பெண்..!

கூர்மையாகச் சிந்திக்கத் தெரிந்த பெண்..!

Re: கூர்மையாகச் சிந்திக்கத் தெரிந்த பெண்..!