திருக்குறள் புது கவிதை - 19

by **அ.இராஜ்திலக்** Mon Sep 05, 2011 11:20 am

அறத்துப்பால்
...........................
பாயிரவியல்
..............................
வான் சிறப்பு
...............................
குறள்-19
.................................
தானம் தவம்இரண்டும் தங்கா வியன்உலகம்
வானம் வழங்கா தெனின்.
புது கவிதையாய் பொருள்
...............................................
வான் பொழியும் மழை
வையத்தில் பொய்த்துவிட்டால்
தானமும் தவமும்
தாமாக நின்றுவிடும்
============================
திருவள்ளுவர் குறட்பொருளை
தெளிந்து போற்றுவோம் வாருங்கள்!
============================

[You must be registered and logged in to see this image.]

by **அ.இராஜ்திலக்** Mon Sep 05, 2011 5:03 pm

by **அ.இராமநாதன்** Mon Sep 05, 2011 6:04 pm

இகந்த குறளுக்கு அறிஞர்களின் விளக்கவுரை:-
---------------------------------------------------------------
திரு மு.வரதரானார் உரை:-
-
மழை பெய்யவில்லையானால், இந்த பெரிய உலகத்தில்
பிறர் பொருட்டு செய்யும் தானமும், தம் பொருட்டு
செய்யும் தவமும் இல்லையாகும்
-
==========================================
திரு மு.கருணாநிதி உரை
-
இப்பேருலகில் மழை பொய்த்து விடுமானால் அது,
பிறர் பொருட்டுச் செய்யும் தானத்திற்கும், தன்பொருட்டு
மேற்கொள்ளும் நோன்புக்கும் தடங்கலாகும்.
-
==========================================
-
திரு சாலமன் பாப்பையா உரை:-
-
மழை பொய்த்துப் போனால், விரிந்த இவ்வுலகத்தில்
பிறர்க்குத் தரும் தானம் இராது; தன்னை உயர்த்தும்
தவமும் இராது.
-
==============================================
திரு.பரிமேலழகர் உரை
-
வியன் உலகம் தானம் தவம் இரண்டும் தங்கா - அகன்ற
உலகின்கண் தானமும் தவமும் ஆகிய இரண்டு அறமும்
உளவாகா; வானம் வழங்காது எனின் - மழை பெய்யாது
ஆயின். (தானமாவது அறநெறியான் வந்த பொருள்களைத்
தக்கார்க்கு உவகையோடும் கொடுத்தல்;
தவம் ஆவது மனம் பொறிவழி போகாது நிற்றற் பொருட்டு
விரதங்களான் உண்டி சுருக்கல் முதலாயின.
பெரும்பான்மை பற்றித் தானம் இல்லறத்தின் மேலும்,
தவம் துறவறத்தின் மேலும் நின்றன.)
-
==============================================

புதுக்கவிதை நல்லா இருக்கு...