"காதலும் காதலிப்பவனும்"

by **கவிதைகிறுக்கன்** Mon Sep 12, 2011 6:31 pm

உவமையோ.......!?
உருவகமோ..........?!
உருப்படியாய் ஒன்றும்
கிட்டவில்லை
இல்லாத காதலியிடம்
சொல்லாத மொழிகளை
கவிதையாகி
காதித பல்லாகில்
கண்மணி அவளிடம் சேர்த்திட..

எதுகையும் மோனையும்
என்னை ஏமாற்றுகின்றன‌
உன்
கற்பனை காதலிக்காக
காகிதமேற்றி எங்களை
விற்பனை செய்ய
பார்க்கிற்றாயா என‌

எழுத்து சொல் பொருள்
யாப்பு "அணி"
என்னை கூண்டேற்றிவிட்டது
அவமதிப்பு வழக்கில்

அற்ம் பொருள் "இன்பம்"
படைத்து பகிர்ந்தளித்த‌
வள்ளுவன் கூட
வஞ்சினத்தோடு வாளேந்தி
தலை கொய்ய வருகிறான்
கற்பனை காதலிக்கு
கப்பம் கட்ட‌
கன்னி என்னன்னை தான்
கிடைத்தாளா...........? என்று
என்ன செய்வேன் காதலே...?

போல புரைய ஒப்பவெல்லாம்
பொலிவிழந்து பொருமுகின்றன‌
அவைகளின் பொருமலில்
பொரிந்து போகிறது என்காதல்

என்ன செய்ய என்காதலே........?
எழுதாமல் இருக்க முடியவில்லை
எழுத எனகொரு காதலியும்
கிடைக்கவில்லை
ஆனாலும், நான் காதலிக்கின்றேன்
சொல்லாத மொழி பேசும்
இல்லாத காதலியை........ [You must be registered and logged in to see this image.]