என் புது வீடு

by **அப்துல்லாஹ்** Sun Sep 18, 2011 7:20 pm

[You must be registered and logged in to see this image.]

கலைத்துப் போடடப்பட்ட
நெகிழி(பிளாஸ்டிக்) குச்சிகளை
அவற்றின் வண்ணங்களையும்
வடிவங்களையும் மனதில் கொண்டு
வேகமாக ஒன்றோடொன்று
பொருத்தினான் என்மகன்

அவை நான் அவனுக்காக
வாங்கித்தந்த
பொம்மை வீடு கட்டும்
விளையாட்டுப் பொருள்.

கொஞ்சமான நேரத்தில்
குதித்துச் சத்தமிட்டான்
வாப்பா இது என்வீடு ! என்று
அருகில் சென்றேன்
வலதுகை முஷ்டி மடக்கி
வலது நெஞ்சில் அழுத்திய
அவனது முகத்தில்
அப்படி ஒரு பெருமிதம் ...
சுட்டிக்காட்டிச் சொன்னான்

வாசற்படி தொடர
தலைவாசலும் தரைத்தளமும்
சன்னலும் மேல்முகடும்
ஒவ்வொரு வண்ணங்களில்
மிளிர்ந்தது.

செல்லமாய் அவன் தலை கலைத்து
மெல்லக் கன்னம் தடவிய போது
என் கண்களில் நீர் அரும்பியது

இது என் புது வீடு
நான் எப்போது சொல்வேன்

கரையேற நிற்கும்
இரு சகோதரிகளும்
பிணி வயப் பட்ட
பெற்றவர்களும்
பொறியியல் படிக்கும்
இளைய தம்பியும்
வீட்டுச் செலவுகளும்
விசேச நாட்களும்...

சிதிலமடைந்து
காரை பெயர்ந்த
கரையான் தினப்பட்ட
பழைய வீட்டில்
பழகிப் போன
இதே கவலையுடன்
நான்......

எப்போது சொல்வேன்
இது என் புது வீடு!!!

உணர்வுகள் வரிகளாக அருமையாக உள்ளது அருமை நண்பரே.. தொடர்ந்து பூக்கட்டும் உங்கள் நறுமணப் பூக்கள் நமது தோட்டத்தில்

by **அ.இராமநாதன்** Sun Sep 18, 2011 7:43 pm

விட்டுச்செலவுகளும் என்பது வீட்டுச் செலவுகளும்
என இருக்க வேண்டும்...
-
கவிதை நல்லா இருக்கு...

திருத்தம் செய்துள்ளேன் ஐயா

by **அப்துல்லாஹ்** Sun Sep 18, 2011 7:51 pm

அ.இராமநாதன் wrote:விட்டுச்செலவுகளும் என்பது வீட்டுச் செலவுகளும்
என இருக்க வேண்டும்...
-
கவிதை நல்லா இருக்கு...

ஆமாம் அய்யா
இணையத்தில் பார்த்துப் பார்த்து தட்டச்சிட்டாலும் சில நேரம் நம் காட்சியைத்தப்பி ததும்பிவிடுகின்றன. சுட்டிய உங்களின் வாசித்தலும் வார்த்தைகளும் என்னை செதுக்கும்.
நன்றி ஐயா...

by **கவியருவி ம. ரமேஷ்** Sun Sep 18, 2011 8:45 pm

செல்லமாய் அவன் தலை கலைத்து
மெல்லக் கன்னம் தடவிய போது
என் கண்களில் நீர் அரும்பியது

இது என் புது வீடு
நான் எப்போது சொல்வேன்
--- சொந்த வீடு என்பது பலருக்கும் கனவாகவே இருக்கிறது என்ற கருத்தை பிரதிபலிக்கும் கவிதை அடிகள் சிறப்பாக உள்ளன... பாராட்டுகள்.

by **அப்துல்லாஹ்** Sun Sep 18, 2011 8:48 pm

வரிகளை நுகர்ந்து வாழ்த்தினை பகிர்ந்த ரமேசுக்கு என் அன்பும் மகிழ்ச்சியும் ....

by **கலைநிலா** Mon Sep 19, 2011 1:37 am

வாழ்க்கையோடு ,உங்கள் வார்த்தைகள் இணையும்.
இதயத்தை இணைக்கும்
சுழ்ல்நிலையை படம் பிடித்துக்காட்டும் .

கல்வியாளருக்கு சொல்லவா வேண்டும் !

பாராட்டுக்கள் தோழரே !தொடருங்கள்

தோட்டம் உங்கள் பூக்களை சுமக்க காத்திருக்கிறது .

by **நிலாமதி** Mon Sep 19, 2011 3:02 am

அடிமன உணர்வுகள் கவிதையாக .....

......காலம் ஒருநாள்கை கொடுக்கும் கவலை வேண்டாம்.

by gomathykomu Mon Sep 19, 2011 3:18 pm

மிக விரைவில் நீங்களும் புதுவீடு குடி புகும் பாக்கியம் கிடைக்கும் நன்பரே.

by **manjubashini** Mon Sep 19, 2011 5:04 pm

மனதை தாக்கிய வரிகள் அப்துல்லாஹ் சார்....

ஒவ்வொருவருக்கும் இப்படி ஒரு லட்சியம் இருப்பதை உணரமுடிகிறது... நமக்கே நமக்கென்று ஒரு வீடு இருப்பது எத்தனை இன்பம்?

அன்று பாரதி வேண்டியதும் இப்படி ஒரு தனக்கே தனக்கான வீடு....

குட்டிப்பிள்ளை இது எனது வீடு என்று சொல்லும்போது ஏற்படும் பெருமிதம் உணரமுடிகிறது..... பிள்ளைகளால் பொம்மை வீடு கட்டிவிட முடிகிறது வேகமாக...

ஆனால் நிறைய கமிட்மெண்ட்ஸ் இருக்கும் நம்மால் அப்படி முடிவதில்லை... அதற்கான காரணங்களை மிக அழகாக வரிகளில் எளிய நடையில் சொல்லி இருக்கீங்க அப்துல்லாஹ் சார் சிறப்பாக....

அன்பு வாழ்த்துகள் அப்துல்லாஹ் சார்.. எல்லோரின் வேண்டுதலும் வாழ்த்தும் சீக்கிரமே புதிய வீட்டுக்கு உங்களுக்கே உங்களுக்கான வீட்டுக்கான வழியை காட்டட்டும்....

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

என் புது வீடு

என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு

Re: என் புது வீடு