ஒரு பைத்தியகாரனின் காதல் கதை

by tamilppr Mon Sep 19, 2011 1:56 pm

பனியில் மறைந்த நிலவின் ஒளியில்,
ஈரம் தொலைத்த இரவுக் காற்றுடன்,
நட்சத்திரங்களைத் தேடி
நடுரோட்டில் பயணம்!

வண்ணம் காயாத வானவில்காண,
மண்ணில் விழுந்த மழைக்குள் தேடல்!

என்னைத் தொடரும் நிழலுக்கும்
உன்னைப் பிடிக்கிறதே அது ஏன்?
மறக்கச் சொல்லி நீ சென்ற பிறகும்,
மனது கேட்கவில்லை அது ஏன்?
உன்னைக் காதலித்தேனே அதில் தவறா?
அல்லது
உண்மையாய் காதலித்தேனே அதன் விளைவா?

உன் பெயரைச் சொன்ன உதடுகள்,
உன் முகம் மட்டும் நினைத்த நினைவுகள்,
உன்னுடன் நடந்த பாதைகள்,
உனக்கென எழுதிய கவிதைகள்..
இதுதவிர எதுவும் நினைவிலில்லை இன்று எனக்கு !

சாலை ஓரத்தில்,
பேருந்து நிறுத்தத்தில்,
பசி உணர்வை மறந்து காதுகள் அடைத்த நேரத்தில்,
வெற்றிலை எச்சிலால் இரத்தக் கறை படிந்த சுவர்களில் சாய்கையில்,
இறுதியாய் மூச்சும் என்னை பிரியத் துணிகையில்,
உன்னை நினைத்தே உலகை நீங்கும் நான்
யாரோ சொல்லிக்கேட்ட கடைசி வார்த்தை, " பாவம் இந்த பைத்தியகாரன்!".

எனது இணையம்:

by **கவியருவி ம. ரமேஷ்** Mon Sep 19, 2011 2:23 pm

உன்னைக் காதலித்தேனே அதில் தவறா?
அல்லது
உண்மையாய் காதலித்தேனே அதன் விளைவா?
-- காதல் என்றாலே உண்மை என்றுதான் பொருள். உண்மை இல்லை என்றால் அது காதல் அல்ல காமம்.

உன் பெயரைச் சொன்ன உதடுகள்,
உன் முகம் மட்டும் நினைத்த நினைவுகள்,
உன்னுடன் நடந்த பாதைகள்,
உனக்கென எழுதிய கவிதைகள்..
இதுதவிர எதுவும் நினைவிலில்லை இன்று எனக்கு !
-- கடைசி வரை நினைத்திருப்பதுதான் காதல். இதை அழகாகப் பதிவு செய்துள்ளீர்கள்.

யாரோ சொல்லிக்கேட்ட கடைசி வார்த்தை, " பாவம் இந்த பைத்தியகாரன்!".
- இதைப் பார்த்தால்தான் காதலிக்கவே கூடாது என்கிறது. என்ன செய்வது இதயம் ஏமாந்துபோகிறது. காதலித்து விடுகிறது.

சிறப்பான கவிதை பாராட்டுகள்.
:héhé: :héhé: :héhé:

அருமையான வரிகள் பாராட்டுக்கள் நண்பரே... தொடர்ந்து உங்களின் நறுமணப் பூக்கள் நமது தோட்டத்தில் பூக்கட்டுமே

by **அ.இராமநாதன்** Mon Sep 19, 2011 2:35 pm

நினைக்கத் தெரிந்த மனமே உனக்கு மறக்கத் தெரியாதா?
பழகத் தெரிந்த உயிரே உனக்கு விலகத் தெரியாதா?
நினைக்கத் தெரிந்த மனமே உனக்கு மறக்கத் தெரியாதா?
பழகத் தெரிந்த உயிரே உனக்கு விலகத் தெரியாதா?
உயிரே விலகத் தெரியாதா?
-
===================
என்ற பாடல்தான்நினைவுகு வருகிறது...
-
கவிதை நல்லா இருக்கு...