திருக்குறள் புதுகவிதை - 22

by **அ.இராஜ்திலக்** Tue Sep 20, 2011 11:27 am

அறத்துப்பால்
...........................
பாயிரவியல்
..............................
நீத்தார் பெருமை
...............................
குறள்-22
.................................
துறந்தார் பெருமை துணைக்கூறின் வையத்து
இறந்தாரை எண்ணிக்கொண் டற்று.

புது கவிதையாய் பொருள்
...............................................
துறந்தோர் பெருமை சொல்வதென்றால்
தொன்மை தொட்டு இப்பூமியிலே
இன்றுவரை பிறந்தவர் இறந்தவர்
எண்ணிக்கையை நாம் கணக்கிடுவதே
============================
திருவள்ளுவர் குறட்பொருளை
தெளிந்து போற்றுவோம் வாருங்கள்!
============================

அருமையாக உள்ளது பாராட்டுக்கள்

by **manjubashini** Tue Sep 20, 2011 11:49 am

மிக அருமையான குறள் பகிர்ந்தமைக்கு அன்பு நன்றிகள் ராஜ்திலக்...

உண்மையே... இறந்தவர்களின் எண்ணிக்கை எப்படி நம்மால் கணக்கிட்டு கூறமுடியாதோ அது போல பற்றுகளை துறந்த மஹான்களின் பெருமைகளையும் நம்மால் அளவிட்டு சொல்லமுடியாது. தர்ம சிந்தனையும் நல்லொழுக்கமும் பெற்று எதன்மீதும் பற்று கொள்ளாது இறையின் பதமே சரணம் என்றிருப்போரின் மனம் எல்லாவற்றையும் உலகத்தின் மேல் வைத்துள்ள பற்றையும் துறந்துவிடுகிறது..... மனம் ஆத்மசாந்தி பெறுகிறது. சிற்றின்பங்களில் மனதை செலுத்தாது இறைவன் அடிகளில் தன்னை அர்ப்பணித்துக்கொள்கிறது.....

மிக அருமையான குறள் பகிர்ந்தமைக்கு அன்பு நன்றிகள் ராஜ்திலக்...

by **அ.இராஜ்திலக்** Tue Sep 20, 2011 2:57 pm

தங்களது கருத்துக்களுக்கு மிக்க நன்றி!

by **கவியருவி ம. ரமேஷ்** Tue Sep 20, 2011 4:47 pm

முயற்சிக்குப் பாராட்டுகளும் வாழ்த்துகளும் பல... நண்பரே சிறு குறை காண்பதற்குத் தவறாக நினைக்க வேண்டாம். புதுக்கவிதையாய் பொருள் என்கிறீர்கள். என் அறிவுக்கு எட்டிய மட்டும் அது வசனக் கவிதையைப் போல் இருக்கிறது என்பது என் தனிப்பட்ட எண்ணம். அ. இராஜ்திலக் முயற்சியைத் தொடருங்கள்... புதுக்கவிதை வடிவம் கைவரப் பெறுவீர்கள். மீண்டும் கேட்டுக் கொள்கிறேன் என் பார்வையில் தவறு இருப்பின் இதைப் பொருட்படுத்த வேண்டாம். சிறு குறை இருப்பதாகத் தாங்கள் நினைக்கும் பட்ஷத்தில் மாற்றிக் கொள்ளுங்கள்.

மனம் வருந்தாது என்று நினைக்கிறேன். நன்றி.

by **அ.இராஜ்திலக்** Tue Sep 20, 2011 5:15 pm

திருக்குறளின் பொருள் கவிதைநடையில் புரிய வேண்டும் அவ்வளவே எனது நோக்கம்.
அதற்காகவே அப்படி தலைப்பிட்டேன். மற்றபடி கவிதை வகைகளை பற்றி இனிமேல்தான்
அறிந்து கொள்ளவேண்டும் ஏனெனில் நான் கவிதை எழுதுவதே சமீபகாலமாகதான். எனவே நான்
தவறாக எடுத்து கொள்ள ஒன்றுமில்லை தொடர்ந்து தங்களது கருத்துகளை தெரிவியுங்கள்.

by **கவியருவி ம. ரமேஷ்** Tue Sep 20, 2011 6:41 pm

நன்றி நண்பரே... தொடருங்கள் உங்கள் சிறப்பான பணியை.... கருத்துரைக்க தோட்டம் இருக்கிறது. தொடக்கத்திலேயே பிழை இருப்பின் திருத்திக் கொள்வது நல்லதும் கூட... நன்றி

by **அ.இராமநாதன்** Tue Sep 20, 2011 6:50 pm

உலகில் இறந்தவர்களின் எண்ணிக்கை எவ்வளவு
என்று கூற முடியுமா?

அதுபோலத்தான்
உண்மையாகவே பற்றுகளைத் துறந்த
உத்தமர்களின் பெருமையையும் அளவிடவே முடியாது.
-
[You must be registered and logged in to see this image.]

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

திருக்குறள் புதுகவிதை - 22

திருக்குறள் புதுகவிதை - 22

Re: திருக்குறள் புதுகவிதை - 22

Re: திருக்குறள் புதுகவிதை - 22

Re: திருக்குறள் புதுகவிதை - 22

Re: திருக்குறள் புதுகவிதை - 22

Re: திருக்குறள் புதுகவிதை - 22

Re: திருக்குறள் புதுகவிதை - 22

Re: திருக்குறள் புதுகவிதை - 22

Re: திருக்குறள் புதுகவிதை - 22