கூகிள் குரோமுக்கான தமிழ்விசை நீட்சி 0.1 முன் வெளியீடு

அனைவருக்கும் வணக்கம்,

இத்துடன் கூகிள் குரோமுக்கான தமிழ்விசை
நீட்சி 0.1 முன் வெளியீட்டுக் கோப்பினை இணைத்துள்ளேன். இந்த வெளியீட்டில்
(twitter, facebook போன்ற) எளிய உரைப் (Plain Text) பெட்டியில் மட்டுமே
தமிழ் தட்டச்சு இயங்கும். இவ்வெளியீட்டைக் கொண்டு (Gmail, Yahoo Mail
போன்ற) செறிவுரைப்(Richtext) பெட்டியில் தமிழ் தட்டச்சு செய்ய இயலாது.

Chrome/Webkit உலாவியில் initKeyboardEvent என்ற மிகத் தேவையான
javascript function சரியான வகையில் நிரலாக்கப்படவில்லை.இந்த javascript
function நம்முடைய நீட்சியில் தட்டச்சிடும் ஆங்கில எழுத்துக்கு நிகரான
தமிழ் எழுத்தை உலாவியளவில் உள்ளீடு மாற்றம் செய்யப் பயன்படுகிறது. இந்த வழு
குறித்த மேலதிக தகவலுக்குப் பார்க்க: http://code.google.com/p/chromium/issues/detail?id=27048 மற்றும் https://bugs.webkit.org/show_bug.cgi?id=16735

இந்தச் சிக்கலுக்கு மாற்றாக இந்த வெளியீட்டின் நிரலில் தகடூர் தமிழ்
மாற்றியில் பயன்படுத்திய உத்தியைக் கையாண்டுள்ளேன். (எனவே தான் தகடூர்
தமிழ் மாற்றியைப் போலவே இந்த வெளியீட்டிலும் செறிவுரைப்(Richtext)
பெட்டியில் தமிழ் தட்டச்சு செய்ய இயலவில்லை)

Chrome/Webkit உலாவியில் initKeyboardEvent சரியான வகையில்
நிரலாக்கப்படும் வரை செறிவுரைப்(Richtext) பெட்டியில் தமிழ் தட்டச்சு செய்ய
மாற்று வழிகள் ஏதும் உள்ளதா என ஆராய்ந்து வருகிறேன். அத்தகைய வழிகள் ஏதும்
அறிந்தவர்கள் பகிர்ந்து கொள்ள வேண்டுகிறேன்.

இந்த வெளியீட்டில் பாமினி, அஞ்சல், தமிழ் 99, தமிழ் தட்டச்சு ஆகிய விசைப்பலகை முறைகள் சேர்க்கப்பட்டுள்ளன.

பயன்படுத்திப் பார்த்து உங்கள் கருத்துக்களையும் வழுக்களையும் தெரிவிக்குமாறு கேட்டுக் கொள்கிறேன்

இனிமையுடன்,

கோபி