நல்லா நின்னு எரியும்... அப்துல்லாஹ்

by **அப்துல்லாஹ்** Wed Sep 21, 2011 3:40 pm

[You must be registered and logged in to see this image.]

கும்பலாய் வந்தனர்
கூடி நின்று என் அங்கம தொட்டு
அதில் ஒருவன் சொன்னான்
கிழ மரம்...
இது சொன்னவன் கையில்
கோடரி
உயர்த்திறக்கியபோது
பொத்...
ஒரே போடு

வைரம் பாய்ஞ்ச மரம
நல்லா நின்னு எரியும்...

அங்கங்கள் ஒவ்வொண்ணாய்
அவ்வப்போது தருகிறேனே
எரித்தால்
எரிந்தால் போதாதா...

தலைமையைக் காக்க
உயிரோடு பேருந்துகளும்

தமிழனைக் காக்க
உடனே ஓர் இளம் தளிரும்

மதவெறியைக் காக்க
மலை மலையாய் மனிதஇனமும

வேண்டாத மருமகளை
வீட்டில் கதவடைத்தும்

பச்சை மரங்களன்றோ
பற்றி எரிகின்றன..

தேசத்தின் தலைநகரிலும்
நாசத்தின் வேரூட்டம்

நய வஞ்சக மனித உள்ளம
நரித்தனமாய் ஆடும ஆட்டம்

மானுடங்களுடன்
பதறி சிதறி நிலைகுலைவது
மரங்கள் நாங்களும் தான்..
வேண்டுமெனில்....
வேரோடு வருகிறேன்
விடை தருவாயா
இந்த ஐந்தறிவுக் களியாட்டத்திற்கு

இப்போது அவன்

வெட்டுப்பட்ட துண்டான
என் அங்கத்திலே
கோடரியின் கூர் தீட்டுகிறான்
அவன் சொன்னான்

வைரம் பாய்ஞ்ச மரம
நல்லா நின்னு எரியும்...

by **கவியருவி ம. ரமேஷ்** Wed Sep 21, 2011 3:57 pm

மிகச் சிறந்த படைப்பு. பாராட்டுகள்.

பச்சை மரங்களன்றோ
பற்றி எரிகின்றன..

இந்த இரண்டு அடிகள் சமுதாயத்திற்குச் சாடல். எனக்கும் இவ்வாறான கோபம் அதிகம்.

சமூக சிந்தனையுடன் கூடிய படைப்புக்கு பாராட்டுக்கள்

by **அப்துல்லாஹ்** Wed Sep 21, 2011 5:03 pm

ம. ரமேஷ் wrote:மிகச் சிறந்த படைப்பு. பாராட்டுகள்.

பச்சை மரங்களன்றோ
பற்றி எரிகின்றன..

இந்த இரண்டு அடிகள் சமுதாயத்திற்குச் சாடல். எனக்கும் இவ்வாறான கோபம் அதிகம்.

தங்களின் மேலான கருத்துக்கு என் அன்பும் மகிழ்ச்சியும் ரமேஷ்...

by **கலைநிலா** Wed Sep 21, 2011 10:25 pm

காந்தி பிறந்த மண்ணில்
பச்சை மரங்கள் எரிக்கப்பட்டன.
கும்பலாய் வந்து மும்பை
கலவரத்தில் பச்சை மரங்கள்
வெட்டப்பட்டன!
அரசியல்வாதி எரித்த
பேருந்திலும் இளமரம்
எரிந்தது.
வரும் தேர்தலுக்காக,
தலை நகரில் ஒத்திகைப் போராட்டம் ,
இப்படி அவலங்களை ஒன்றின் பின்னால்,
ஒன்றை கொடுத்து ,அதை உங்கள் வழியில்
படைத்து ,மிருக்கத்தை ,காட்டிய நிலை ,
உண்மையின் நிறம்.

இந்தியா என்னும் பச்சைமரத்தில்
நின்றுக்கொண்டே
வெட்டுப்பட்ட துண்டான
என் அங்கத்திலே
கோடரியின் கூர் தீட்டுகிறான்
அவன் சொன்னான்

வைரம் பாய்ஞ்ச மரம
நல்லா நின்னு எரியும்...

எரிப்பவன் இருக்குவரை
மரங்கள் ,மடிந்து போகும்.
எரிந்தாலும் ,எரித்தாலும்
இந்த மண்ணுக்கு உரமாக
உருமாறும் ,

உங்கள் ஆவேசம் கண்டு பிரமித்து போனேன் .
பூக்குள் புயலாய் பார்த்தேன் .

இன்னும் இந்த புயல் ,மற்ற அவலங்களை ,
மாறி மாறி ,அடிக்கும் என்ற எண்ணத்தில் காத்திருக்கும்,
தோட்டத்தில் ஒருவன் .உங்கள் நண்பன் .