ஏனிந்த இழப்பு.....??

by sivag Wed Sep 21, 2011 11:53 pm

பரமக்குடி பலஉயிர் குடித்தது
எதேச்சையாகவா...எதேச்சதிகாரத்தாலா
கல்லெறிந்ததாலா கடும்
சொல்லெறிந்ததாலா....
ஏதோ ஒன்றால்
அப்பாவிகள் சிதையெரிந்தது....

இனத்தலைவனின் இறந்தநாள்,
இன்றாகியது...இன்னா செய்யாதவரின் இறந்தநாள்
இப்படியும் நடக்குமென்றோ
இனிப்பு வாங்கித்தர வந்த தந்தை
இல்லாமல் போவாரென்றோ
அதிர்ச்சியில் அழ மறந்த
அந்தக் குழந்தைக்குத் தெரியாதே

கண்ணீரஞ்சலிக்காய் கூடியவர்
கண்ணியம் மறந்து
கல்லெறிந்தது குற்றமா....
காவல் வேலை விடுத்து
காலன் வேலை செய்த
காவலரின் குற்றமா....

குற்றம் யார்மீதாகினும்
சற்றும் சம்பந்தமில்லா உயிர்கள்
சுற்றும் நடப்பதை
முற்றும் உணர்வதற்குள்
வெற்றுடலை வீதியில் விட்டு...
வற்றாத் துயரை
உற்றாரிடம் விட்டுப் பிரிந்ததே....

ஊரைக் குறை சொல்வதா
ஊருக்குள் உலவும்
சாதி வேரைக் குறை சொல்வதா....
சாதிக்கணலை ஊதிப்பெருக்கும்
தலைவனைச் சொல்வதா...
இருக்கும்போதே உதவாதவன்
இறந்தபின் உதவுவானா எனக்கூட
அறிந்துகொள்ளாத தொண்டனை சொல்வதா...

உலகில் இருப்பது இரு இன சாதி
உயிர் பிரிந்தால் வெறும் பிண சாதி
இதை அறியாதவர்கள் அழிவதில் ஆதங்கமில்லை....
ஒன்றும் அறியாதவர்கள் அழிவதைக் கண்டு
என்றும் மனிதம் சுமக்கும் மனம் அழுகிறது....!!!

[You must be registered and logged in to see this image.]

by **கவியருவி ம. ரமேஷ்** Sat Sep 24, 2011 12:58 pm

-- பாராட்டுகள் sivag...

மிகச் சிறந்த சமூகப் பார்வை. அரசியல் வாதிகளின் சூழ்ச்சியை அறியாதவர்களால் தான் இதுபோன்ற துயர நிகழ்வுகள் நடைபெருகின்றன.

உங்களுக்கு ஒன்று தெரியுமா?

இந்தியாவில் விவசாயத் தொழிலுக்கு அடுத்ததாக அரசியல் தொழில் நடைபெற்றுக்கொண்டிருப்பதாக ஆய்வுகள் சொல்கின்றன.

தற்போது நடைபெறும் தேர்தலில் கூட 6 இலட்சத்திற்கும் மேற்பட்ட வேட்பாளர்கள் போட்டியிடுகிறார்களாம்!

by **தங்கை கலை** Sat Sep 24, 2011 7:15 pm

அய்யோ ........... வேதனை .................

by sivag Sat Sep 24, 2011 7:49 pm

கைத்தட்டலுக்கு நன்றி யூஜின்.

by sivag Sat Sep 24, 2011 7:51 pm

உண்மைதான் ரமேஷ் இதைப்போன்ற ஒவ்வொரு துயர நிகழ்வுகளுக்குப் பின்னால்...ஏதோ ஒரு அரசியல் சூழ்ச்சி மறைந்துதானிருக்கிறது. நம் மக்களின் தலையெழுத்து.

கருத்துக்கு நன்றி ரமேஷ்.

by sivag Sat Sep 24, 2011 7:51 pm

வேதனைதான் கலை....ஆனால்...தவிர்க்கப்பட்டிருக்க வேண்டிய வேதனை.

by **கலைநிலா** Sun Sep 25, 2011 4:16 am

ஊரைக் குறை சொல்வதா
ஊருக்குள் உலவும்
சாதி வேரைக் குறை சொல்வதா....
சாதிக்கணலை ஊதிப்பெருக்கும்
தலைவனைச் சொல்வதா...
இருக்கும்போதே உதவாதவன்
இறந்தபின் உதவுவானா எனக்கூட
அறிந்துகொள்ளாத தொண்டனை சொல்வதா...
நிகழ்வுகளை சொல்லும் வேதனையான கவிதை .

பகிர்வுக்கு நன்றி தோழரே.

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஏனிந்த இழப்பு.....??

ஏனிந்த இழப்பு.....??

Re: ஏனிந்த இழப்பு.....??

Re: ஏனிந்த இழப்பு.....??

Re: ஏனிந்த இழப்பு.....??

Re: ஏனிந்த இழப்பு.....??

Re: ஏனிந்த இழப்பு.....??

Re: ஏனிந்த இழப்பு.....??

Re: ஏனிந்த இழப்பு.....??

Re: ஏனிந்த இழப்பு.....??